স্পৰ্টছ ডেস্ক, 18 জানুৱাৰীঃ চীনৰ প্ৰতিদ্বন্দী খেলুৱৈ ঝাংগ শ্বুৱেইক পৰাস্ত কৰি হ’বাৰ্ট ইণ্টাৰনেশ্যনেল টুৰ্ণামেণ্টৰ ছিংগলছৰ খিতাপ জিনিলে কাজাখস্তানৰ এলেনা ৰাইৱাকিনাই ৷
এক ঘণ্টা 33 মিনিটলৈ চলা ফাইনেল মেচখনত 20 বছৰীয়া এলেনাই 7-6(7), 6-3 ছেটত জয় লাভ কৰি খিতাপ দখল কৰিবলৈ সক্ষম হয় ৷ এলেনাৰ টেনিছ কেৰিয়াৰৰ এইটো হৈছে দ্বিতীয়টো ডব্লিউটিএ (WTA) খিতাপ ৷
হ’বাৰ্ট ইণ্টাৰনেশ্বনেল টুৰ্ণামেণ্ট ফাইনেল মেচ
আনহাতে এই হ’বাৰ্ট ইণ্টাৰনেশ্যনেল টুৰ্ণামেণ্টৰ মহিলা ডাবল্ছৰ খিতাপ দখল কৰিবলৈ সক্ষম হয় ছানিয়া আৰু নাডিয়াই ৷ ফাইনেলত চীনৰ ঝাং শ্বুৱেই আৰু পেং শ্বুৱেইক 6-4, 6-4 প্ৰত্যক্ষ ছেটত পৰাস্ত কৰি খিতাপ জয় কৰে ভাৰতৰ ছানিয়া আৰু ইউক্ৰেইনৰ নাডিয়া কিচন’কৰ যুটিটোৱে ৷ উল্লেখ্য যে, মাতৃত্ব লাভ কৰাৰ সুদীৰ্ঘ দুটা বছৰৰ পাচত ছানিয়া মিৰ্জাৰ এইটো হৈছে প্ৰথম আন্তঃৰাষ্ট্ৰীয় খিতাপ ৷
