স্পৰ্টছ ডেস্ক, 31 জানুৱাৰীঃ ছুইজাৰেণ্ডৰ তাৰকা খেলুৱৈ ৰ’জাৰ ফেডেৰাৰক পৰাস্ত কৰি অষ্ট্ৰেলিয়ান অ’পেনৰ ফাইনেলত প্ৰৱেশ কৰিবলৈ সক্ষম হয় ন’বাক জ’ক’ভিজে ৷ বৃহস্পতিবাৰে খেলা ছেমিফাইনেল মেচত 7-6 (7/1), 6-4, 6-3 ছেটত জয় কৰি অষ্ট্ৰেলিয়ান অ’পেনৰ ফাইনেলত প্ৰৱেশ কৰিবলৈ সক্ষম হয় জ’ক’ভিজে ৷ যদিহে ফাইনেলত জ’ক’ভিজে জয় লাভ কৰিবলৈ হয় তেন্তে কেৰিয়াৰৰ 17 সংখ্যক গ্ৰেণ্ডশ্লাম খিতাপ অৰ্জন কৰিব ছাৰ্বিয়াৰ খেলুৱৈগৰাকীয়ে ৷
জ’ক’ভিজ আৰু ফেডেৰাৰৰ মাজত এইখন আছিল 50 সংখ্যক মেচ ৷ য’ত জ’ক’ভিজে 27 খন আৰু ফেডেৰাৰে 23 খনত জয় লাভ কৰিবলৈ সক্ষম হৈছে ৷
জ’ক’ভিজে ইয়াৰ পূৰ্বে 7 বাৰৰ বাবে অষ্ট্ৰেলিয়ান অ’পেনৰ ফাইনেলত প্ৰৱেশ কৰিছে য’ত 7 বাৰেই খিতাপ দখল কৰিবলৈ সক্ষম হৈছে খেলুৱৈগৰাকীয়ে ৷ ইপিনে নাডাল আৰু ফেডেৰাৰ অভিলেখ ভংগ কৰাৰ দিশে দ্ৰুততম গতিত অগ্ৰসৰ হৈছে জ’ক’ভিজ ৷ নাডালৰ নাম 19 টা গ্ৰেণ্ডশ্লাম খিতাপ থকাৰ বিপৰীতে ৰ’জাৰ ফেডেৰাৰৰ নামত আছে 20 টা গ্ৰেণ্ডশ্লাম ৷
- লগতে চাওক- চতুৰ্থ খন টি-20ঃ 166 ৰানৰ লক্ষ্য ভাৰতৰ
