স্পৰ্টছ ডেস্ক, ১১ ছেপ্টেম্বৰ : ছাৰ্বিয়াৰ নোভাক জকোভিচে ইউএছ অপেন ফাইনেলত দানিল মেদভেদেভক পোনপটীয়া ছেটত পৰাস্ত কৰি তেওঁৰ চতুৰ্থ ইউএছ অপেনৰ খিতাপ দখল কৰে । ইয়াৰ লগে লগে অভিলেখসংখ্যক ২৪ বাৰৰ বাবে গ্ৰেণ্ড শ্লেম একক খিতাপ জয় কৰে । বিশ্ব ৰেংকিঙৰ দ্বিতীয় আৰু তৃতীয় স্থানৰ মাজৰ খেলখনত জকোভিচে মেদভেদেভক ৬-৩, ৭-৬ (৫), ৬-৩ ছেটত পৰাস্ত কৰে । জিনহুৱাৰ বাতৰি অনুসৰি, এই জয়ৰ লগে লগে ৩৬ বছৰীয়া ছাৰ্বিয়ান খেলুৱৈগৰাকী এইটো যুগৰ আটাইতকৈ বৰ্ষীয়ান ইউএছ অপেন পুৰুষ একক চেম্পিয়ন হিচাপে পৰিগণিত হয় ।
-
Novak Djokovic continues to write history.@AustralianOpen | @rolandgarros | @Wimbledon pic.twitter.com/RrBFOQdiN6
— US Open Tennis (@usopen) September 11, 2023 " class="align-text-top noRightClick twitterSection" data="
">Novak Djokovic continues to write history.@AustralianOpen | @rolandgarros | @Wimbledon pic.twitter.com/RrBFOQdiN6
— US Open Tennis (@usopen) September 11, 2023Novak Djokovic continues to write history.@AustralianOpen | @rolandgarros | @Wimbledon pic.twitter.com/RrBFOQdiN6
— US Open Tennis (@usopen) September 11, 2023
উল্লেখ্য যে এই বছৰ অষ্ট্ৰেলিয়ান অপেন আৰু ফ্ৰেঞ্চ অপেন জয় কৰাৰ পিছত নোভাক জকোভিচে একেটা ছিজনত চাৰিবাৰকৈ তিনিটা গ্ৰেণ্ড শ্লেম একক খিতাপ জয় কৰা প্ৰথম ব্যক্তি হিচাপে পৰিগণিত হয় । "মই কেতিয়াও ভবা নাছিলোঁ যে মই ইয়াত আপোনালোকৰ সৈতে থিয় হ'ম আৰু ২৪ টা গ্ৰেণ্ড শ্লেমৰ বিষয়ে কথা পাতিম । মই কেতিয়াও ভবা নাছিলোঁ যে এইটো বাস্তৱ হ'ব । কিন্তু যোৱা কেইবছৰমানত মই অনুভৱ কৰিছিলোঁ যে মোৰ ওচৰত এটা সুযোগ আছে, মোৰ ইতিহাসৰ বাবে এটা সুযোগ আছে । আৰু যদি ইয়াৰ বাবে সুযোগ আহিছে, তেন্তে ইয়াক কিয় হস্তগত নকৰোঁ ?"
এই বিজয়ে মেদভেদেভৰ ওপৰত প্ৰতিশোধ লোৱাৰো সংকেত দিয়ে । কিয়নো ২০২১ চনত জকোভিচক পোনপটীয়া ছেটত মেদভেদেভে পৰাস্ত কৰিছিল আৰু ১৯৬৯ চনত ৰড লেভাৰৰ পিছত একেটা বছৰতে চাৰিওটা গ্ৰেণ্ড শ্লেম জয় কৰা প্ৰথম ব্যক্তি হোৱাৰ অভিযান স্তব্ধ কৰিছিল । আনহাতে, এই জয়ৰ পিছত জকোভিচে সোমবাৰে পুনৰ বিশ্বৰ এক নম্বৰ স্থানলৈ উভতি যাব ।
