স্পৰ্টছ ডেস্ক, 26 জুলাইঃ সোণালী জয়ন্তী পালন দক্ষিণ কামৰূপৰ ক্ৰীড়াৰ অগ্ৰনি সংগঠন মিৰ্জাস্থিত দক্ষিণ কামৰূপ ক্ৰীড়া সন্থাৰ ৷ সফলতাৰে ৫০ টা বৰ্ষ সম্পূৰ্ণ কৰিলে সন্থাটোৱে । ১৯৬৯ চনত আজিৰ দিনতে স্থাপিত হৈছিল দক্ষিণ কামৰূপ ক্ৰীড়া সন্থাৰ ৷ ইয়াৰ পৰাই প্ৰশিক্ষণ গ্ৰহণ কৰা বহু খেলুৱৈক ৰাষ্ট্ৰীয়, আন্তঃৰাষ্ট্ৰীয় পৰ্যায়ত উজলিবলৈ সক্ষম হৈছে ৷
সোণালী জয়ন্তী দিৱস উদযাপন দক্ষিণ কামৰূপ ক্ৰীড়া সন্থাৰ
সোণালী জয়ন্তী দিৱস উপলক্ষে বিভিন্ন কাৰ্যসূচী ৰূপায়ন কৰে দক্ষিণ কামৰূপ ক্ৰীড়া সন্থাৰ মিৰ্জাস্থিত গ্ৰাম্য ষ্টেডিয়ামখনত । সামূহিক দৌৰৰে কাৰ্যসূচীৰ শুভাৰম্ভ হোৱা অনুষ্ঠানখনত ৫০খন পতাকা উত্তোলন, স্মৃতিৰোপন, বৃক্ষৰোপন আদি কাৰ্যসূচী ৰূপায়ন কৰা হয় ৷ লগতে বিয়লি ভাগত দক্ষিণ কামৰূপ মিডিয়া বনাম দক্ষিণ কামৰূপ ক্ৰীড়া সন্থাৰ মাজত এখন প্ৰীতি ফুটবল খেল অনুষ্ঠিত কৰা হয় ।
