নিউজ ডেস্ক, 20 ডিচেম্বৰ: বুধবাৰে ক্ৰীড়া আৰু যুৱ পৰিক্ৰমা মন্ত্ৰণালয়ে ৰাষ্ট্ৰীয় ক্ৰীড়া বঁটা ২০২৩ৰ বিজয়ীসকলৰ নাম ঘোষণা কৰে । সেই অনুসৰি বেডমিণ্টনলৈ আগবঢ়োৱা অপৰিসীম অৱদানৰ বাবে চিৰাগ চন্দ্ৰশেখৰ শ্বেট্টী আৰু ৰেংকিৰেড্ডী সাতৱিক সাই ৰাজক ২০২৩ চনৰ মেজৰ ধ্যানচান্দ খেলৰত্ন বঁটা প্ৰদান কৰা হ’ব । ২০২৩ চনৰ ক্ৰীড়া আৰু খেলত অসাধাৰণ প্ৰদৰ্শনৰ বাবে আন ২৬ গৰাকী ক্ৰীড়াবিদে অৰ্জুন বঁটা লাভ কৰিব । ভাৰতীয় দলৰ হৈ বিশ্বকাপত দুৰ্দান্ত প্ৰদৰ্শনৰ বাবে ক্ৰিকেটাৰ মহম্মদ শ্বামীকো অৰ্জুন বঁটাৰ বাবে নিৰ্বাচিত কৰা হৈছে ।
২০২৪ চনৰ ৯ জানুৱাৰীত ৰাষ্ট্ৰপতি ভৱনত বিশেষভাৱে আয়োজিত অনুষ্ঠানত বঁটাপ্ৰাপকসকলে ভাৰতৰ ৰাষ্ট্ৰপতিৰ পৰা বঁটা গ্ৰহণ কৰিব।
মেজৰ ধ্যানচান্দ খেলৰত্ন বঁটা ২০২৩ প্ৰাপকসকল হৈছে
- চিৰাগ চন্দ্ৰশেখৰ শেট্টী (বেডমিণ্টন)
- ৰেংকিৰেড্ডী সাতৱিক সাই ৰাজ (বেডমিণ্টন)
২০২৩ চনৰ ক্ৰীড়া জগতত অসাধাৰণ প্ৰদৰ্শনৰ বাবে অৰ্জুন বঁটা লাভ কৰা সকল হৈছে-
- ওজাছ প্ৰবীণ দেওতালে (ধনুৰ্বিদ্যা)
- অদিতি গোপিচন্দ স্বামী (ধনুৰ্বিদ্যা)
- শ্ৰীশংকৰ এম (এথলেটিকছ)
- পাৰুল চৌধুৰী (এথলেটিকছ)
- মহম্মদ হুছামুদ্দিন (বক্সিং)
- আৰ বৈশালি (দবা)
- মহম্মদ শ্বামী (ক্ৰিকেট)
- অনুশ আগৰৱালা (অশ্বাৰোহী)
- দিব্যকৃত সিং (অশ্বাৰোহী ড্ৰেছেজ)
- দীক্ষা দাগৰ (গ’ল্ফ)
- কৃষণ বাহাদুৰ পাঠক (হকী)
- পুখ্ৰম্বম সুশিলা চানু (হকী)
- পৱন কুমাৰ (কাবাডী)
- ঋতু নেগী (কাবাডী)
- নাছৰিন (খোখো)
- এম এছ পিংকি (লন বাউলছ)
- ঐশ্বৰী প্ৰতাপ সিং টোমৰ (শ্বুটিং)
- এম এছ এশা সিং (শ্বুটিং)
- হৰিন্দৰ পাল সিং সন্ধু (স্কুৱাছ)
- আয়হিকা মুখাৰ্জী (টেবল টেনিছ)
- সুনীল কুমাৰ (মল্লযুঁজ)
- এম এছ এন্টিম (মল্লযুঁজ)
- নাওৰেম ৰোছিবিনা দেৱী (উশ্বু)
- শীতল দেৱী (পেৰা আৰ্চাৰী)
- ইলুৰি অজয় কুমাৰ ৰেড্ডী (দৃষ্টিহীন ক্ৰিকেট)
- প্ৰাচী যাদৱ (পেৰা কেন’ইং)
২০২৩ চনৰ ক্ৰীড়াত অসাধাৰণ প্ৰশিক্ষকৰ বাবে দ্ৰোণাচাৰ্য বঁটা
- ললিত কুমাৰ (মল্লযুঁজ)
- আৰ বি ৰমেশ (দবা)
- মহাবীৰ প্ৰসাদ ছাইনী (পেৰা এথলেটিকছ)
- শিবেন্দ্ৰ সিং (হকী)
- গণেশ প্ৰভাকৰ দেৱৰুখকৰ (মল্লখম্ব)
২০২৩ চনৰ ক্ৰীড়া জগতৰ জীৱনজোৰা সাধনা ধ্যান চান্দ বঁটা:
- মঞ্জুশা কানৱাৰ (বেডমিণ্টন)
- বিনীত কুমাৰ শৰ্মা (হকী)
- কবিতা চেলভাৰজ (কাবাডী)
লগতে পঢ়ক: আই পি এল 2024 ত কোন খেলুৱৈ থাকিব কোন দলত ?
