নিউজ ডেস্ক, 25 মে': মহামাৰী কৰ'ণা ভাইৰাছৰ সংকটৰ বাবে স্থগিত কৰিবলগীয়া হৈছিল সকলোবোৰ ক্ৰীড়া প্ৰতিযোগিতা । সেয়ে আধাতেই স্তব্ধ হৈ গৈছিল অন্যতম আগশাৰীৰ ফুটবল প্ৰতিযোগিতা স্পেনিছ লীগ অৰ্থাৎ লা-লিগাৰ খেলসমূহ ।
ইপিনে, লা-লিগাৰ সভাপতি জাভিৰ টেবাছে জনোৱা মতে 11 জুনৰ পৰা লা-লিগাৰ বাকী ৰোৱা খেলসমূহ পুনৰ আৰম্ভ হোৱাৰ পূৰ্ণ সম্ভাৱণা আছে । তেওঁ লগতে কয় যে, প্ৰথমখন খেল ছেভিলে আৰু ৰিয়েল বেটিচৰ মাজত অনুষ্ঠিত হ'ব ।
উল্লেখ্য যে, কৰ'ণা ভাইৰাছত অধিক ক্ষতিগ্ৰস্থ দেশসমূহৰ ভিতৰত অন্যতম আছিল স্পেইনো । স্পেইনত মুঠ 2,83,000 লোকৰ দেহত COVID-19 ধৰা পৰিছিল ।
আনহাতে দেশখনৰ প্ৰধানমন্ত্ৰী পেড্ৰ ছানছিজে লা-লিগাৰ খেল পুনৰাম্ভ কৰিবলৈ বিগত সপ্তাহতে গ্ৰীণ ছিগনেল প্ৰদান কৰিছিল ।
খেলুৱৈ সকলে 4 মে'ৰ পৰা ব্যক্তিগত অনুশীলন আৰম্ভ কৰিছিল । আনহাতে দলীয় ভাৱে সৰ্বাধিক 10 গৰাকী খেলুৱৈক অনুশীলন কৰিবলৈ দিয়া হৈছিল ।
