স্পৰ্টছ ডেস্ক, ২০ অক্টোবৰ : ভাৰতীয় ক্ৰিকেট দলৰ অধিনায়ক ৰোহিত শৰ্মা বৰ্তমান শক্তিশালী ফৰ্মত আছে । তেওঁ বৃহস্পতিবাৰে পুণেত বাংলাদেশৰ বিৰুদ্ধে ৪৮ ৰাণ সংগ্ৰহ কৰি পেভিলিয়নলৈ উভতি যায় । তাৰ পূৰ্বে তেওঁ আহমেদাবাদত পাকিস্তানৰ বিৰুদ্ধে ৮৬ ৰাণৰ অৰ্ধশতক কৰে । একে সময়তে, তেওঁ দিল্লীত আফগানিস্তানৰ বিৰুদ্ধে ১৩১ ৰাণৰ গুৰুত্বপূৰ্ণ ইনিংছ খেলিছে । ৰোহিতে এই বিশ্বকাপত নতুন অভিলেখ সৃষ্টি কৰিছে । এতিয়াও ৰোহিতৰ হাতত আন এক মহান অভিলেখ গঢ়িবলৈ সুযোগ আছে । ২২ অক্টোবৰত ধৰ্মশালাত নিউজিলেণ্ডৰ সৈতে হ'বলগীয়া খেলখনত ৰোহিত শৰ্মা এদিনীয়া বিশ্বকাপৰ ইতিহাসত সৰ্বাধিক ছিক্সাৰ কোবোৱা খেলুৱৈ হোৱাৰ সম্ভাৱনা আছে ।
এদিনীয়া বিশ্বকাপৰ ইতিহাসত ৰোহিত শৰ্মাই এতিয়ালৈকে মুঠ ৩৬ টা ছিক্সাৰ কোবাইছে । ৰোহিতে আফগানিস্তানৰ বিৰুদ্ধে ৫ টা ছিক্সাৰ আৰু পাকিস্তানৰ বিৰুদ্ধে ৬ টা ছিক্সাৰ কোবাইছিল । আনহাতে তেওঁ বাংলাদেশৰ বিৰুদ্ধেও ২ টা ছিক্সাৰ কোবাইছে । তেওঁ এই বিশ্বকাপত এতিয়ালৈকে ৪ খন খেলত ১৩ টা ছিক্সাৰ কোবাইছে । যদি ৰোহিতে এনেদৰে ছিক্সাৰ কোবাই থাকে, তেন্তে তেওঁ শীঘ্ৰেই দক্ষিণ আফ্ৰিকাৰ প্ৰাক্তন বিস্ফোৰক বেটছমেন এ বি ডি ভিলিয়ৰ্ছ আৰু ৱেষ্ট ইণ্ডিজৰ প্ৰাক্তন অভিজ্ঞ বেটছমেন ক্ৰিছ গেইলৰ অভিলেখ ভংগ কৰিব পাৰে ।
ক্ৰিছ গেইলে এতিয়ালৈকে এদিনীয়া বিশ্বকাপত সৰ্বাধিক ছিক্সাৰ কোবাইছে । তেওঁৰ পাছত এ বি ডি ভিলিয়ৰ্ছ ৩৭ টা ছিক্সাৰৰ সৈতে তালিকাৰ দ্বিতীয় স্থানত আছে । এতিয়া ৰোহিতে ২ টা ছিক্সাৰ কোবাই ২ নম্বৰত স্থান লাভ কৰিব পাৰিব । এই প্ৰতিযোগিতাখনত ১৪ টা ছিক্সাৰ কোবাই তেওঁ ক্ৰিছ গেইলক অতিক্ৰম কৰি এদিনীয়া বিশ্বকাপৰ ইতিহাসত সৰ্বাধিক ছিক্সাৰ কোবোৱা খেলুৱৈ হোৱাৰো সুযোগ পাব ।
ৰোহিতে এতিয়ালৈকে কি কি ৰেকৰ্ড কৰিছে ?
- ৰোহিত শৰ্মাই এতিয়ালৈকে এদিনীয়া বিশ্বকাপৰ ইতিহাসত ৬ বাৰ প্লেয়াৰ অফ দ্য মেচ বঁটা লাভ কৰিছে । এই ক্ষেত্ৰত তেওঁ দ্বিতীয় ভাৰতীয় খেলুৱৈ ।
- ৰোহিত শৰ্মাই ২০ টা ইনিংছৰ পাছত এদিনীয়া বিশ্বকাপৰ ইতিহাসত সৰ্বাধিক ৰাণ সংগ্ৰহ কৰিছে । তেওঁ ২০ টা ইনিংছত ৭ টা শতক আৰু ৪ টা অৰ্ধ-শতকৰ সৈতে ১১৯৫ ৰাণ সংগ্ৰহ কৰিছে ।
- ৰোহিত শৰ্মাই ৰাণৰ টাৰ্গেট অনুসৰণ কৰি ৫৮৬ ৰাণ সংগ্ৰহ কৰিছে আৰু এই ক্ষেত্ৰত এদিনীয়া বিশ্বকাপৰ ইতিহাসৰ আটাইতকৈ সফল বেটছমেন হিচাপে পৰিগণিত হৈছে ।
- ৰোহিত শৰ্মা বিশ্বকাপৰ এটা ছিজনত ভাৰতৰ হৈ সৰ্বাধিক ছিক্সাৰ কোবোৱা খেলুৱৈ হৈ পৰিছে ।
- ৰোহিত শৰ্মা বিশ্বৰ এদিনীয়া ফৰ্মেটত সৰ্বাধিক ছিক্সাৰ কোবোৱা তৃতীয়গৰাকী বেটছমেন হৈছে । ৰোহিতে এদিনীয়া ফৰ্মেটত ৩০০ টা ছিক্সাৰ কোৱাইছে ।
- ৰোহিত শৰ্মা ভাৰতৰ পৰা এদিনীয়া ক্ৰিকেটত সৰ্বাধিক ছিক্সাৰ কোবোৱা প্ৰথমগৰাকী বেটছমেন ।
লগতে পঢ়ক :World Cup 2023 : চেষ্টা কৰিবই লাগিব; ৰাহুলৰ এই পৰামৰ্শই কোহলীক শতক অৰ্জনত সহায় কৰিছিল
