স্প’ৰ্টছ ডেস্ক, 14 জুন : আইচিচি (ICC) টেষ্ট টীম ৰেংকিঙত ভাৰতক পিছত পেলাই প্ৰথম স্থান দখল নিউজিলেণ্ডৰ ৷ দেওবাৰে বিৰমিংহামত ইংলেণ্ডৰ বিৰুদ্ধে শৃংখলাত জয়লাভৰ পিছতেই প্ৰথম স্থানত অধিষ্ঠিত হয় নিউজিলেণ্ড ৷
18 জুনত চাউথহেমপটনত ভাৰতৰ বিপক্ষে অৱতীৰ্ণ হ’বলগীয়া ‘ৱৰ্ল্ড টেষ্ট চেম্পিয়নশ্বিপ’ (Worls Test Championship)ৰ চূড়ান্ত খেলৰ পূৰ্বে দুখন খেলৰ শৃংখলাত ইংলেণ্ডক 1-0 ত পৰাস্ত কৰে কিৱি বাহিনীয়ে ৷ পূৰ্বে আইচিচি (ICC) টেষ্ট টীম ৰেংকিঙত ভাৰতৰ পিছত দ্বিতীয় স্থানত থকা নিউজিলেণ্ডে দেওবাৰৰ বিজয়ৰ পিছতে 3 পইণ্টৰে তালিকাৰ শীৰ্ষত উপস্থিত হয় ৷
শেহতীয়া ৰেংকিঙত কেন উইলিয়ামছন নেতৃত্বাধীন নিউজিলেণ্ড দলে লাভ কৰিছে 123 পইণ্ট ৷ ইয়াৰ বিপৰীতে দ্বিতীয় স্থান দখলকাৰী ভাৰত আছে 121 পইণ্টত ৷ কিন্তু ভাৰতে 28 খন মেচত 2914 পইণ্ট লাভ কৰাৰ বিপৰীতে নিউজিলেণ্ডৰ হাতত আছে 19 খন মেচৰ মুঠ 2593 পইণ্ট ৷
এই তালিকাৰ তৃতীয় স্থানত 108 পইণ্টৰে আছে অষ্ট্ৰেলিয়া ৷ ইয়াৰ বিপৰীতে ক্ৰমান্বয়ে চতুৰ্থ আৰু পঞ্চম স্থানত আছে 107 পইণ্টৰে ইংলেণ্ড আৰু 94 পইণ্টৰে পাকিস্তান ৷
লগতে পঢ়ক- ক’ভিডত আক্ৰান্ত হৈ মিলখা সিঙৰ পত্নীৰ মৃত্যু
