স্পৰ্টছ ডেস্ক, ১০ জুন: সমগ্ৰ বিশ্বতে অব্য়াহত আছে ক'ভিডৰ সংক্ৰমণ । ইয়াৰ মাজতে ক্ৰিকেট অনুৰাগীৰ বাবে এক দুঃখবৰ ৷ নিউজিলেণ্ডৰ অধিনায়ক কেন উইলিয়ামছন আক্ৰান্ত হৈছে ক'ভিডত (Kane Williamson tested covid positive)। ফলত ইংলেণ্ডৰ বিৰুদ্ধে অনুষ্ঠিত হ’বলগীয়া দ্বিতীয় টেষ্টৰ পৰা বাদ পৰিবলগীয়া হয় নিউজিলেণ্ডৰ অধিনায়কগৰাকী ।
শুকুৰবাৰ অৰ্থাৎ আজিৰে পৰা আৰম্ভ হ'বলগীয়া দ্বিতীয়খন টেষ্টৰ পৰা কেন বাদ পৰাৰ পাছত এতিয়া টম লাথামে দলটোক নেতৃত্ব দিব । খেলখনৰ আগদিনা নিশা অৰ্থাৎ বৃহস্পতিবাৰে ক’ভিড-১৯ পৰীক্ষা কৰাত তেওঁৰ দেহত ক’ভিডৰ অৱস্থিতি ধৰা পৰে । ফলত তেওঁ ৫ দিন আইছলেচনত থাকিব লাগিব(Five days Isoltion for Kane Williamson) ।
অৱশ্য়ে দলটোৰ আন খেলুৱৈসকল সুস্থ হৈ আছে বুলি জানিব পৰা হৈছে । চিকিৎসকে প্ৰয়োজন হ'লে পৰৱৰ্তী ভ্ৰমণৰ সময়ত স্বাস্থ্য প্ৰট’কল অনুসৰণ কৰাৰ কথা উল্লেখ কৰে । আনহাতে প্ৰশিক্ষক গেৰী ষ্টেডে কেন উইলিয়ামছনৰ সলনি হামিশ ৰাডাৰফৰ্ডক দলত অন্তভুক্ত কৰাৰ কথা জানিবলৈ দিয়ে ।
লগতে পঢ়ক:মন্ত্ৰীসভাত স্থান নন্দিতা গাৰ্লোচাৰ: উৎফুল্লিত ডিমা হাছাওবাসী
