নিউজ ডেস্ক, 16 এপ্ৰিলত: IPL ৰ আজিৰ প্ৰথমখন খেলত মুম্বাই ইণ্ডিয়ানছৰ হাতত পৰাস্ত হয় কলকাতা নাইট ৰাইডাৰ্ছ ৷ অথলে গ’ল ভেংকটেশ আয়াৰৰ 104 ৰাণৰ অনবদ্য ৰাণৰ ইনিংছ ৷ এইখন খেলৰ সৈতে বৰ্তমানলৈকে দুখন খেলত জয়লাভ কৰিছে মুম্বাই ইণ্ডিয়ানছে ৷ টচত জিকি প্ৰথমে বলিঙৰ সিদ্ধান্ত কৰে MI য়ে ৷ KKR দলে MI ক জয়ৰ বাবে 185 ৰাণৰ লক্ষ্য বান্ধি দিয়ে (IPL 2023 KKR Vs MI) ৷
186 ৰাণৰ লক্ষ্য লৈ বেটিং আৰম্ভ কৰা মুম্বাই ইণ্ডিয়ানছে 17.4 অভাৰত 5 উইকেট হেৰুৱাই জয়লাভ কৰে ৷ অপেনিং কৰিবলৈ আহি ৰোহিত শৰ্মাই 13 টা বলত 20 ৰাণ কৰি আউট হয় ৷ ঈশান কিষাণে 25 টা বলত 58 ৰাণৰ এটা সুন্দৰ ইনিংছ খেলে ৷ মুঠ 5 টা বাউণ্ডেৰী আৰু 5 টা অভাৰ বাউণ্ডেৰী কোবাই ঈশানে (IPL 2023 MI Vs KKR match) ৷
আজিৰ খেলখনত অধিনায়কৰ দায়িত্ব পালন কৰা সূৰ্যকুমাৰ যাদৱেও 25 টা বলত 4 টা বাউণ্ডেৰী আৰু 3 টা অভাৰ বাউণ্ডেৰী কোবাই মুঠ 43 ৰাণ সংগ্ৰহ কৰে ৷ তিলক বাৰ্মাই 30 আৰু টিম ডেভিদে 24 ৰাণৰ বৰঙণি আগবঢ়ায় ৷ আজিৰ খেলখনত প্ৰথমে শাৰীৰিক অসুস্থতাৰ বাবে ৰোহিত শৰ্মাই খেলা নাছিল যদিও বেটিং কৰিবলৈ আহে (IPL 2023 MI Vs KKR) ৷
ইয়াৰ পূৰ্বে বেটিং কৰি KKR এ 20 অভাৰত 6 টা উইকেট হেৰুৱাই 185 ৰাণ সংগ্ৰহ কৰে ৷ ভেংকটেশ আয়াৰে 104 ৰাণ সংগ্ৰহ কৰে ৷ এয়া হৈছে IPL 2023 ত বৰ্তমানলৈকে এজন খেলুৱৈয়ে সংগ্ৰহ কৰা সৰ্বাধিক ৰাণ আৰু দ্বিতীয়টো শতক ৷ ইয়াৰ পূৰ্বে SRH ৰ ব্ৰুকে 100 ৰাণৰ স্ক’ৰ কৰিছিল (IPL 2023 MI Vs KKR match updates) ৷
MI- ঈশান কিষাণ (Wk), কেমেৰন গ্ৰীণ, তিলক বৰ্মা, সূৰ্যকুমাৰ যাদৱ (C), টিম ডেভিদ, নেহাল ৱাধেৰা, অৰ্জুন টেণ্ডুলকাৰ, হৃতিক শোকীন, পীযুষ চাওলা, দুয়ান জান্সেন, ৰাইলী মেৰেডিথ (IPL 2023 MI Vs KKR match)
KKR- ৰহমানুল্লাহ গুৰবাজ (Wk), ভেংকটেশ আয়াৰ, এন জগদীচন, নীতিশ ৰানা (C), ৰিংকু সিং, আন্দ্ৰে ৰাছেল, সুনীল নাৰিনে, শাৰ্দুল ঠাকুৰ, উমেশ যাদৱ, লকি ফাৰ্গুচন, বৰুণ চক্ৰবৰ্তী (IPL 2023 KKR Vs MI)
লগতে পঢ়ক: IPL 2023 Updates: 23 ৰাণত পৰাস্ত কলকাতা নাইট ৰাইডাৰ্ছ; হেৰী ব্ৰুকৰ শতকেৰে হায়দৰাবাদৰ জয়
