স্পৰ্টছ ডেস্ক, 4 নৱেম্বৰ : মুম্বাই ইণ্ডিয়ানছৰ বিৰুদ্ধে ছানৰাইজাৰ্ছ হায়দৰাবাদে বৃহৎ বিজয় সাব্যস্ত কৰাৰ পাচতো আইপিএলৰ প্লে' অফত স্থান লাভ বৰ্তমানেও অনিশ্চিত হৈ আছে ৷ হায়দৰাবাদ দলৰ জয়ৰ পাচতে মন্তব্য আগবঢ়াইছে দলটোৰ স্পীনাৰ শ্বাহবাজ নদীমে ৷ তেওঁ কয় যে, দলটোৱে মুম্বাই ইণ্ডিয়ানছক অন্য দলৰ দৰেই গণ্য কৰিছিল সেয়েহে 10 উইকেটত জয় সাব্যস্ত কৰিবলৈ সক্ষম হৈছিল ৷
নদীমে সংবাদমেল সম্বোধন কৰি কয়, "আমি অলপ চাপত আছিলো কিয়নো এয়া আমাৰ বাবে গুৰুত্বপূৰ্ণ মেচ আছিল ৷ যিহেতু আমি অন্তিম তিনিখন মেচত জয়ী হৈছিলো সেয়েহে আমি আত্মবিশ্বাসী আছিলো ৷"
তেওঁ লগতে কয়, "সেয়েহে, আমি মেচখন অন্য মেচৰ দৰেই লৈছিলো আৰু সকলোৱে নিজৰ দায়িত্ব ভালদৰে পালন কৰিলে জয়ী হ'বলৈ সহজ হয়...ভাল আৰু শক্তিশালী দলক পৰাস্ত কৰিলে সঁচাকৈয়ে সুখী হ'ব পাৰি ৷ আমাৰ দলক ই বহু উৎসাহ প্ৰদান কৰে ৷"
ছানৰাইজাৰ্ছ হায়দৰাবাদ দলে অন্তিম তিনিখন মেচত জয় লাভেৰে পইন্ট তালিকাৰ তৃতীয় স্থান অধিকাৰ কৰিছে ৷ আনহাতে, শুকুৰবাৰে ৰয়েল চেলেঞ্জাৰ্ছ বেংগালুৰৰ বিপৰীতে আনখন মেচত অৱতীৰ্ণ হ'ব দলটো ৷
নদীমে কয়, "দলৰ বাবে ভাল প্ৰদৰ্শন কৰিব পাৰিলে সঁচাকৈয়ে ভাল লাগে ৷ মই বহু সুখী ৷" ছিজনটোৰ পঞ্চমখন মেচত অংশগ্ৰহণ কৰা নদীমে কয়, "মই বহু বছৰ ধৰি এনেদৰে খেলি আহিছো ৷ এইটো গুৰুত্বপূৰ্ণ যে, যেতিয়াই আপুনি সুবিধা পাই নিজৰ 100 শতাংশ দিয়া উচিত ৷"
লগতে পঢ়ক : মহিলা টি-20 চেলেঞ্জৰ বাবে আগ্ৰহেৰে বাট চাইছোঃ হৰমনপ্ৰীত কৌৰ
