স্পৰ্টছ ডেস্ক, 19 অক্টোবৰ : শ্বেইখ জায়েদ ষ্টেডিয়ামত অনুষ্ঠিত হ'বলগা আইপিএলৰ আজিৰ মেচত মুখামুখি হ'ব চেন্নাই ছুপাৰ কিংছ আৰু ৰাজস্থান ৰয়েলছ ৷ বৰ্তমান পৰ্যন্ত দুয়োটা দলে ছয় পইন্টকৈ সংগ্ৰহ কৰি আছে ৷
শেহতীয়া মেচত চেন্নাই দলৰ টপ অৰ্ডাৰৰ বেটছমেন ফাফ ডু প্লেছি, শ্বেন ৱাটছন আৰু অম্বাতি ৰায়ুডুয়ে ফৰ্ম উভতাই পাইছে ৷ আনহাতে, দিল্লী কেপিটেলছৰ বিৰুদ্ধে ৰবীন্দ্ৰ জাদেজাইও ভাল প্ৰদৰ্শন দেখুৱাবলৈ সক্ষম হৈছিল ৷ কিন্তু অধিনায়ক মহেন্দ্ৰ সিং ধোনীৰ ফৰ্ম সকলোকে চিন্তিত কৰি ৰাখিছে ৷ আনহাতে, বলিঙৰ দিশতো চিন্তিত হৈ আছে চেন্নাই দল যিহেতু দলটোৰ অলৰাউণ্ডাৰ ডোৱাইনে ব্ৰেভ আঘাতপ্ৰাপ্ত হৈ আছে ৷
আনহাতে, বেন ষ্টোকছ আৰু ফৰ্মত নথকা সঞ্জু চেমছনেও ভাল প্ৰদৰ্শন কৰিবলৈ সক্ষম হ'ব বুলি ৰাজস্থান ৰয়েলছে আশা কৰিছে ৷ এইটো ছিজনৰ শীৰ্ষ উইকেট দখলকাৰী জফ্ৰা আৰ্চাৰে পুনৰবাৰৰ বাবে দলৰ বলিং আক্ৰমণত মুখ্য় ভুমিকা গ্ৰহণ কৰিব ৷
স্কোৱাড :
চেন্নাই ছুপাৰ কিংছ : এম এছ ধোনী, এম বিজয়, অম্বাতি ৰায়ুডু, ফাফ ডু প্লেছি, শ্বেন ৱাটছন, কেদাৰ যাদৱ, ডোৱাইনে ব্ৰেভ', ৰবীন্দ্ৰ জাদেজা, লুংগী এনগিডী, দিপক চাহাৰ, পিয়ুশ চাওলা, ইমৰান তাহিৰ, মিটচেন চান্টনাৰ, জছ হেজলওদ, শাৰদুল ঠাকুৰ, ছেম কাৰান, এন. জগদীশান, কে. এম. আশিফ, মনু কুমাৰ, আৰ. ছাই কিশোৰ, ৰুতুৰাজ গায়কউদ, কৰন শৰ্মা ৷
ৰাজস্থান ৰয়েলছ :
জছ বাটলাৰ, বেন ষ্টোকছ, সঞ্জু চেমছন, এন্দ্ৰিউ টায়ে, কাৰ্তিক ত্যাগী, ষ্টিভেন স্মিথ, অংকিত ৰাজপুত, শ্ৰেয়াস গোপাল, ৰাহুল তেৱাটিয়া, জয়দেৱ উনাদকাট, মায়ংক মাৰ্কান্দে, মহিপাল লোমৰোৰ, অশ্বানে থমাছ, ৰিয়ান পৰাগ, য়শস্বী জয়ছৱাল, অনুজ ৰাৱট, আকাশ সিং, ডেভিদ মিলাৰ, মনন বোহৰা, শশাংক সিং, বৰুণ অৰুণ, টম কাৰান, ৰবীন উথাপ্পা, অনিৰুদ্ধ জোশী, জফ্ৰা আৰ্চাৰ ৷
লগতে পঢ়ক : স্ক'টিচ প্ৰিমিয়াৰ লীগত বালা দেৱীৰ প্ৰত্যাশা পূৰণৰ আশা
