ৰয়েল চেলেঞ্জাৰ্ছ বেংগালুৰুত ডেইল ষ্টেইন

অষ্ট্ৰেলিয়ান বেগী বলাৰ নাথন কুল্টাৰ নাইলৰ স্থানত ৰয়েল চেলেঞ্জাৰ্ছ বেংগালুৰুৰ সৈতে চুক্তিৱদ্ধ ডেইল ষ্টেইন ৷

স্পৰ্টছ ডেস্ক, 12 এপ্ৰিলঃ ডেইল ষ্টেইনৰ অনুৰাগীৰ বাবে সুখবৰ ৷ আই পি এলৰ দ্বাদশ সংস্কৰণত দেখা পাব বিশ্বৰ তীব্ৰ বেগী বলাৰ ভিতৰত অন্যতম দক্ষিণ আফ্ৰিকাৰ ডেইল ষ্টেইনক ৷ আঘাতপ্ৰাপ্ত কুল্টাৰ নাইলৰ স্থানত ৰয়েল চেলেঞ্জাৰ্ছ বেংগালুৰু দলৰ সৈতে চুক্তিৱদ্ধ কৰা হৈছে ষ্টেইনক ৷ ষ্টেইনে ইয়াৰ পূৰ্বেও আই পি এলৰ তিনিটা সংস্কৰণত ৰয়েল চেলেঞ্জাৰ্ছ বেংগালুৰুৰ সৈতে 2008 চনৰ পৰা 2010 চনলৈ চুক্তিৱদ্ধ হৈছিল ৷ ৰয়েল চেলেঞ্জাৰ্ছ বেংগালুৰুৰ হৈ খেলুৱৈগৰাকীয়ে আই পি এলৰ 28 খন মেচত 27 টা উইকেট ল’বলৈ সক্ষম হৈছে ৷ উল্লেখ্য যে, আই পি এলৰ 2018 আৰু 2019 বৰ্ষত কোনো এটা দলৰ সৈতে চুক্তিৱদ্ধ কৰা নাছিল খেলুৱৈগৰাকীক ৷