নিউজ ডেস্ক, 7 এপ্ৰিল: মুম্বাই ইণ্ডিয়ানছে আইপিএলৰ পাঁচখন খেলৰ তিনি খনতে জয়ী হোৱাৰ পাছত টুইটাৰত প্ৰশংসাৰে উপছাই পেলাইছে দলটোৰ অধিনায়ক ৰোহিত শৰ্মাক ৷ শনিবাৰৰ মেচত হাইদৰাবাদ দলৰ বিৰুদ্ধে 135 ৰাণৰ সীমা নিৰ্ধাৰণ কৰি দিয়াৰ পাছতো মুম্বাই দলে ৰোহিতৰ সৱল নেতৃত্বৰ বাবে 40 ৰাণত জয় লাভ কৰে ৷ ইয়াৰ পাছতে অনুৰাগীসকলে বিশ্বকাপৰ বাবে বিৰাটৰ কোহলীৰ পৰিৱৰ্তে ৰোহিতক ভাৰতীয় দলৰ নেতৃত্ব প্ৰদান কৰাটো বিচাৰিছে ৷
আনহাতে, ৰয়েল চেলেঞ্জাৰ্ছ বেংগালুৰু দলে কোহলীৰ নেতৃত্বত একেলেথাৰিয়ে পাঁচখনকৈ মেচত পৰাজিত হোৱাৰ লগতে পইণ্ট তালিকাত শেষ স্থানত বৰ্তি ৰৈছেগৈ ৷ কলকাতা নাইট ৰাইডাৰ্ছৰ বিৰুদ্ধে 206 ৰাণৰ বিশাল সীমা নিৰ্ধাৰণ কৰি দিয়াৰ পাছতো বেংগালুৰু দলে পৰাজয়ৰ মুখ দেখিব লগা হৈছিল ৷ সেয়েহে বিৰাট কোহলীৰ বিৰুদ্ধে টুইটাৰ ব্যৱহাৰকাৰী সকল খৰ্গহস্ত হৈ পৰাৰ পৰিৱৰ্তে ৰোহিতৰ প্ৰশংসাত পঞ্চমুখ হৈ পৰিছে ৷
