আজাৰা, 6 মে' : স্ব-ভূমিত উপস্থিত হ'ল ৰিয়ান পৰাগ ৷ IPL-ত ৰাজস্থান ৰয়েলছৰ হৈ চমকপ্ৰদ প্ৰদৰ্শন কৰিবলৈ সক্ষম হোৱা কনিষ্ঠ খেলুৱৈগৰাকী নিশা ন-বজাত উপস্থিত হয় বৰঝাৰস্থিত লোকপ্ৰিয় গোপীনাথ বৰদলৈ বিমান বন্দৰত ৷ বিমান বন্দৰত ৰিয়ানক আদৰণি জনাবলৈ উপস্থিত থাকে প্ৰাক্তন ক্ৰিকেটাৰ তথা ৰিয়ানৰ পিতৃ পৰাগ দাস আৰু মাতৃ তথা সাঁতোৰবিদ মিথু বৰুৱা সহিতে অনেক অনুৰাগীয়ে ৷
স্ব-গৃহত উপস্থিত ৰিয়ান পৰাগ
IPL-ত সৰ্বকনিষ্ঠ খেলুৱৈ হিচাপে অৰ্ধশতক অৰ্জন কৰিবলৈ সক্ষম হোৱা ৰিয়ানক লৈ গৌৰৱান্বিত পিতৃ-মাতৃ ৷ আনহাতে, পুত্ৰ ঘৰলৈ অহা আনন্দতে নিজ হাতে ৰিয়ানৰ প্ৰিয় খাদ্য প্ৰস্তুত কৰিছে মিঠু বৰুৱায় ৷ পৰৱৰ্তী সময়ত দেশীয় খেলত অধিক গুৰুত্ব আৰোপ কৰাৰ কথা প্ৰকাশ কৰে খেলুৱৈগৰাকীয়ে ৷ যাৰ বাবে অসমবাসীৰ পৰা আৰ্শিস কামনা কৰিছে ৰিয়ান পৰাগে ৷
