নিউজ ডেস্ক, ১৩ এপ্ৰিল: মুম্বাই আৰক্ষী বিভাগে শনিবাৰে জানিবলৈ দিয়া অনুসৰি দক্ষিণ মুম্বাইৰ ৱাংখেড়ে ষ্টেডিয়ামৰ সুৰক্ষাক লৈ কোনো ধৰণৰ ভয় কৰিবলগীয়া নাই । মুম্বাই আৰক্ষী উপায়ুক্ত মঞ্জুনাথ সিংগেই জনাই যে, আৰক্ষী বিভাগে মুম্বাই মহানগৰীৰ সুৰক্ষাৰ বাবে সদায় যৎপৰোনাস্তি চেষ্টা চলাই আহিছে । সেয়েহে সকলোকে এনেধৰণৰ উৰাবাতৰিত বিশ্বাস নকৰিবলৈও আহ্বান জনাইছে আৰক্ষী বিষয়াজনে ।
উল্লেখ্য যে, শুকুৰবাৰে ৱাংখেড়ে ষ্টেডিয়ামৰ সুৰক্ষাক লৈ এক উৰাবাতৰি প্ৰচাৰ হৈছিল । শনিবাৰে অনুষ্ঠিত মুম্বাই ইণ্ডিয়ানছ্ আৰু ৰাজস্থান ৰয়েলছৰ মাজৰ মেচখনৰ পূৰ্বে এই উৰাবাতৰি প্ৰচাৰ হোৱাৰ পাছতে খেলুৱৈসকলৰ সুৰক্ষাক লৈ প্ৰশ্নৰ উত্থাপন হৈছিল ।
