নিউজ ডেস্ক, 6 এপ্ৰিল: শুকুৰবাৰে শ্বাসৰূদ্ধকৰ মেচত কলকাতা নাইট ৰাইডাৰ্ছৰ মুখামুখি হয় ৰয়েল ছেলেঞ্জাৰ্ছ বেংগালুৰু ৷ অল ৰাউণ্ডাৰ আন্দ্ৰে ৰাছেলৰ 48(13) ৰাণৰ ইনিংছৰ জৰিয়তে বেংগালুৰুৰ 205 ৰাণৰ বৃহৎ ৰাণৰ লক্ষ্য অতিক্ৰম কৰিবলৈ সক্ষম হয় কলকাতা দলে ৷ কলকাতা দলৰ এইয়া সৰ্বোচ্চ ৰাণ অতিক্ৰম ৷ ইয়াৰ পূৰ্বে কলকাতা দলে 2014 চনৰ ফাইনেলত কিংছ ইলেভেন পাঞ্জাৱৰ বিৰুদ্ধে 199 ৰাণ অতিক্ৰম কৰিছিল ৷
এই পৰাজয়ৰ জৰিয়তে 2019 চনৰ এখনো আইপিএল মেচত জয়ৰ মুখ দেখা নাই ৰয়েল ছেলেঞ্জাৰ্ছ বেংগালুৰু দলে ৷ ক্ৰমান্নয়ে পাঁচ খন মেচত বিফলতাৰ মুখ দেখিছে বিৰাট কোহলী নেতৃত্বাধীন দলটোৱে ৷
