তৃতীয়খন এদিনীয়াত শ্ৰীলংকাৰ বিৰুদ্ধে প্ৰথমে বেটিং কৰাৰ সিদ্ধান্ত ভাৰতৰ

শুকুৰাবাৰে ভাৰত বনাম শ্ৰী লংকাৰ তৃতীয়খন এদিনীয়াৰ টছত জয়ী হৈ প্ৰথমে বেটিং কৰাৰ সিদ্ধান্ত লৈছে ভাৰতীয় ক্ৰিকেট দলে । শিখৰ ধৱনৰ নেতৃত্বত শ্ৰীলংকাক পৰাস্ত কৰিবলৈ সাজু হৈছে দলটো । ভাৰতে ইতিমধ্যে দুখন খেলত জয় লাভ কৰিছে ।

স্পৰ্টছ ডেস্ক, ২৩ জুলাই: কলম্বোৰ আৰ প্ৰেমাদাছা ষ্টেডিয়ামত শুকুৰবাৰে অনুষ্ঠিত হৈছে ভাৰত বনাম শ্ৰী লংকাৰ তৃতীয় তথা অন্তিমখন এদিনীয়া । ভাৰত আৰু শ্ৰীলংকাৰ মাজত অনুষ্ঠিত খেলখনত টছত জয়ী হৈ প্ৰথমে বেটিং কৰাৰ সিদ্ধান্ত লৈছে ভাৰতীয় ক্ৰিকেট দলে । ভাৰতীয় দলৰ অধিনায়ক শিখৰ ধৱনে এদিনীয়া শৃংখলাৰ চূড়ান্ত খেলত শ্ৰীলংকাক পৰাজিত কৰিবলৈ খেল পথাৰত নামিছে ।

চূড়ান্ত খেল সন্দৰ্ভত দাচুন শনাকাই কয় যে, দলত এইবাৰ প্ৰবীণ জয়ৱিক্ৰমা, আকিলা দানঞ্জয়া আৰু ৰমেশ মেণ্ডিছৰ অন্তৰ্ভুক্তি হৈছে । তেওঁ লগতে কয় যে, তেওঁ ভাৱে তেওঁলোক এই মুহূৰ্তত সঠিক পথত আছে আৰু জয়ৰ বাবে যোৱাটো গুৰুত্বপূৰ্ণ । শ্ৰীলংকাৰ দলত আছে আবিষ্কা ফাৰ্নাণ্ডো, মিনোদ ভানুকা, ভানুকা ৰাজপাক্ষা, ধনঞ্জয়া ডি চিলভা, চৰিথ আছালংকা, দাচুন শনাকা, ৰমেশ মেণ্ডিছ, চমিকা কৰুণাৰতনে, আকিলা দানঞ্জয়া, দুষ্মন্ত চামিৰা, প্ৰবীণ জয়ৱিক্ৰমা ।

ভাৰতীয় দলত আছে পৃথ্বী শ্ব', শিখৰ ধৱন, সঞ্জু চেমচন, মনীষ পাণ্ডে, সূৰ্যকুমাৰ যাদৱ, নীতিশ ৰাণা, হাৰ্দিক পাণ্ডিয়া, কৃষ্ণাপ্পা গৌথম, ৰাহুল চাহাৰ, নৱদীপ চাইনী, চেতন সাকাৰিয়া । উল্লেখ্য যে, ভাৰতে ইতিমধ্যে দুখন খেলত জয় লাভ কৰিছে ।

লগতে পঢ়ক:Tokyo Olympics : প্ৰি-কোৱাৰ্টাৰ ফাইনেললৈ উন্নীত লাভলীনা