স্পৰ্টছ ডেস্ক, 4 জুন : বিশ্বকাপ ক্ৰিকেটৰ প্ৰথমখন মেচত নিউজিলেণ্ডৰ বিৰুদ্ধে পৰাজয়বৰণ কৰাৰ পাছত মঙলবাৰে দ্বিতীয়খন মেচত অৱতীৰ্ণ হ'ব শ্ৰীলংকা দল ৷ ছ'ফিয়া গাৰ্ডেনত অনুষ্ঠিত হ'বলগা বিশ্বকাপৰ এইখন মেচত শ্ৰীলংকাৰ সন্মুখীন হ'ব আফগানিস্তান দল ৷ প্ৰথমখন মেচত শ্ৰীলংকা দল 136 ৰাণতে থমকি ৰোৱাৰ লগতে আফগানিস্তান দলেও শক্তিশালী অষ্ট্ৰেলিয়া দলৰ বিৰুদ্ধে পৰাজয়ৰ সন্মুখীন হৈছিল ৷
উল্লেখ্য যে, আফগানিস্তানৰ মূল শক্তি হৈছে দলটোৰ বলিং বিভাগ ৷ এই দলটোত আছে ৰছিদ খান, মুজিব ওৰ ৰহমান আৰু মহম্মদ নবীৰ দৰে স্পীনাৰ আৰু বেগী বলাৰ গুলবদীন নাইব, দৌলত জাদৰাণ আৰু হামিদ হাছান ৷ তাৰোপৰি, শ্ৰীলংকা দলৰ মূল বলাৰ লাচিথ মালিংগা বৰ্তমান ফৰ্মত নথকাৰ বাবে চিন্তাত পৰিছে শ্ৰীলংকা শিবিৰ ৷
