নিউজ ডেস্ক, ৭ মে': শুকুৰবাৰে ক্ৰীড়া মন্ত্ৰী কিৰেণ ৰিজিজুয়ে এম. এছ. ধোনীৰ শেহতীয়া গ্ল'ভছ বিবাদ সম্পৰ্কত মন্তব্য আগবঢ়াইছে । ৰিজিজুয়ে তেওঁৰ বক্তব্যত কয় যে, যিহেতু ধোনীয়ে গ্ল'ভছ পিন্ধাৰ সৈতে কোনো ধৰণৰ ৰাজনীতি জড়িত নাই সেয়েহে ভাৰতীয় ক্ৰিকেট ব'ৰ্ডে খেলুৱৈ গৰাকীৰ সমৰ্থনত থিয় দিয়া উচিত । বিচিচিআইয়ে আইচিচিৰ সৈতে এই বিবাদৰ সোনকালে নিস্পত্তি কৰিব বুলি তেওঁ আশা প্ৰকাশ কৰে । সাংবাদিকৰ প্ৰশ্নৰ উত্তৰত তেওঁ জানিবলৈ দিয়ে যে, ধোনীৰ পৰিচয়ে দেশৰ পৰিচয়, ভাৰতীয় সৈন্য বাহিনীৰ পৰিচয় আৰু ইয়াৰ সৈতে কোনো ৰাজনীতি জড়িত নাই সেয়েহে বিচিচিআই তেওঁৰ সৈতে থিয় দিয়া উচিত ।
