স্পৰ্টছ ডেস্ক, 7 জানুৱাৰী : সোঁহতীয়া ভাৰতীয় বলাৰ মহম্মদ ছিৰাজক বৃহস্পতিবাৰে জাতীয় সংগীত পৰিবেশনৰ সময়ত আৱেগিত হৈ পৰা পৰিলক্ষিত হ'ল ৷ ছিডনী ক্ৰিকেট গ্ৰাউণ্ডত অষ্ট্ৰেলিয়াৰ বিৰুদ্ধে তৃতীয় টেষ্টৰ আৰম্ভণিতে সকলোৱে প্ৰত্যক্ষ কৰে এই দৃশ্য ৷
-
Mohammed Siraj In Tears While Singing Indian National Anthem #AUSvIND #mohammadsiraj #TeamIndia #IndianCricketTeam pic.twitter.com/xgJihOsI8k pic.twitter.com/MMozz09VPA
— iamfarhanqkhan007 (@iamfrhanqkhan21) January 7, 2021 " class="align-text-top noRightClick twitterSection" data="
">Mohammed Siraj In Tears While Singing Indian National Anthem #AUSvIND #mohammadsiraj #TeamIndia #IndianCricketTeam pic.twitter.com/xgJihOsI8k pic.twitter.com/MMozz09VPA
— iamfarhanqkhan007 (@iamfrhanqkhan21) January 7, 2021Mohammed Siraj In Tears While Singing Indian National Anthem #AUSvIND #mohammadsiraj #TeamIndia #IndianCricketTeam pic.twitter.com/xgJihOsI8k pic.twitter.com/MMozz09VPA
— iamfarhanqkhan007 (@iamfrhanqkhan21) January 7, 2021
ছিৰাজে নিজৰ আৱেগ লুকুৱাবলৈ চেষ্টা কৰে যদিও কান্দিবলৈ বাধ্য হৈ পৰে আৰু দুখন হাতেৰে চকুপানী মুচিবলৈ চেষ্টা কৰা পৰিলক্ষিত হয় ৷ Cricket.com.au এ অফিচিয়েল টুইটাৰ একাউন্টৰ জৰিয়তে সমগ্ৰ দৃশ্যৰ এক ভিডিঅ' শ্বেয়াৰ কৰে ৷
ইয়াৰ পাচতে প্ৰাক্তন ভাৰতীয় বেটছমেন ৱাছিম জাফৰে প্ৰতিক্ৰিয়া প্ৰকাশ কৰি টুইটাৰত কয়, "যদিও আপোনাক উৎসাহিত আৰু প্ৰেৰিত কৰিবলৈ আপোনাৰ ওচৰত দৰ্শক অথবা অনুৰাগী নাই, দেশৰ হৈ প্ৰতিনিধিত্ব কৰাটোৱেই শ্ৰেষ্ঠ প্ৰেৰণা ৷ এষাৰ কথা আছে, আপুনি দৰ্শকৰ বাবে নহয়, দেশৰ বাবে খেলে ৷"
উল্লেখ্য যে, 26 বৰ্ষীয় ক্ৰিকেটাৰগৰাকীয়ে বক্সিং ডে টেষ্টৰ জৰিয়তে টেষ্ট মেচত অভিষেক ঘটাইছিল আৰু পাঁচ উইকেট দখল কৰিছিল ৷ সেই মেচত ভাৰতে আঠ উইকেটত জয় লাভ কৰিবলৈ সক্ষম হৈছিল ৷
টেষ্টত অভিষেক ঘটোৱাৰ পূৰ্বেই ছিৰাজে হেৰুৱাব লগা হৈছিল নিজ পিতৃক ৷ নৱেম্বৰত ভাৰতীয় দলে অষ্ট্ৰেলিয়াত উপস্থিত হোৱাৰ এসপ্তাহ পাচতে মৃত্যু হৈছিল তেওঁৰ পিতৃৰ ৷ পৰিয়ালৰ সৈতে দুখৰ সময়ত উপস্থিত থাকিবলৈ দেশলৈ উভতি যাবলৈ ক্ৰিকেট বৰ্ডে বিকল্প প্ৰদান কৰিছিল যদিও তেওঁ দলৰ সৈতে থকাৰ সিদ্ধান্ত গ্ৰহণ কৰিছিল ৷ দেশক প্ৰতিনিধিত্ব কৰি নিজ পিতৃৰ সপোন পূৰ কৰাৰ লক্ষ্যৰে তেওঁ দলৰ সৈতে থকাৰ সিদ্ধান্ত গ্ৰহণ কৰিছিল ৷
পিতৃৰ মৃত্যুৰ পাচত ছিৰাজে bcci.tv ক জনাইছিল, "তেওঁ মোৰ শ্ৰেষ্ঠ সমৰ্থক আছিল ৷ মোৰ দেউতাৰ সপোন আছিল মই দেশক প্ৰতিনিধিত্ব আৰু গৌৰৱাম্বিত কৰা ৷ বৰ্তমান তেওঁৰ সেই সপোন পূৰণ কৰিব বিচাৰো ৷"
তেওঁ লগতে কৈছিল, "তেওঁ এই পৃথিৱীত নাথাকিলেও মোৰ অন্তৰত এতিয়াও আছে ৷ মই মাৰ সৈতে কথা পাতিলেই দেউতাৰ সপোনবোৰ মনত পেলাই দিয়ে আৰু দলৰ বাবে ভাল প্ৰদৰ্শন কৰিবলৈ উৎসাহিত কৰে ৷"
লগতে পঢ়ক : IND বনাম AUS : প্ৰথম দিনাৰ অন্তত অষ্ট্ৰেলিয়াৰ সংগ্ৰহ 166/2
