স্পৰ্টছ ডেস্ক, 14 নৱেম্বৰঃ সমূহ দেশবাসীলৈ দিপাৱলীৰ শুভেচ্ছা জ্ঞাপন কৰিছে ভাৰতীয় ক্ৰিকেট দলৰ অধিনায়ক বিৰাট কোহলীয়ে ৷ সকলো লোককে দিপাৱলীৰ শুভেচ্ছা জ্ঞাপন কৰি ফটকা ফুটাই নহয় কেৱল চাকি জ্বলাইহে দিপাৱলী উদযাপন কৰাৰ বাবে আহ্বান জনায় খেলুৱৈগৰাকীয়ে ৷ উল্লেখ্য যে, সম্প্ৰতি অষ্ট্ৰেলিয়াৰ বিৰুদ্ধে সীমিত অভাৰৰ শৃংখলাত অংশগ্ৰহণৰ বাবে চিডনীত উপস্থিত হৈছে খেলুৱৈগৰাকী ৷ চলিত সপ্তাহৰ প্ৰথম ভাগতে বিচিচিআইয়ে ঘোষণা কৰিছিল যে, উক্ত শৃংখলৰ তিনিখনকৈ টেষ্ট মেছত অংশগ্ৰহণ নকৰে কোহলীয়ে ৷
-
Happy Diwali 🙏🏻 pic.twitter.com/USLnZnMwzT
— Virat Kohli (@imVkohli) November 14, 2020 " class="align-text-top noRightClick twitterSection" data="
">Happy Diwali 🙏🏻 pic.twitter.com/USLnZnMwzT
— Virat Kohli (@imVkohli) November 14, 2020Happy Diwali 🙏🏻 pic.twitter.com/USLnZnMwzT
— Virat Kohli (@imVkohli) November 14, 2020
নিজ টুইটাৰযোগে এক ভিডিঅ’ শ্বেয়াৰ কৰি কোহলীয়ে কয়, "মোৰ আৰু মোৰ পৰিয়ালৰ তৰফৰ পৰা আপোনালোক সকলোলৈ দিপাৱলীৰ আন্তৰিক শুভেচ্ছা ৷ এই পৱিত্ৰ ক্ষণত পৰিৱেশৰ প্ৰতি লক্ষ্য ৰাখি ফটকা নুফুটাই কেৱল চাকি জ্বলাই আৰু নিজৰ আত্মীয় স্বজনৰ সৈতে এই উৎসৱৰ আনন্দ উপভোগ কৰক ৷"
বিৰাট কোহলীৰ উপৰিও বীৰেন্দ্ৰ ছেহৱাগ, ভিভিএছ লক্ষ্মণ আদি কেইবাগৰাকীয়ো প্ৰক্তন ক্ৰিকেটাৰে দেশবাসীলৈ দিপাৱলীৰ শুভেচ্ছা জ্ঞাপন কৰে ৷ ইয়াৰ উপৰিও চলিত আইপিএলত চানৰাইজাৰ্চ হায়দৰাবাদৰ হৈ খেলা অষ্ট্ৰেলিয়ান অপেনাৰ ডেভিদ ৱাৰ্ণাৰেও নিজ ইনষ্টাগ্ৰামযোগে সকলোলৈ দিপাৱলীৰ শুভেচ্ছা জ্ঞাপন কৰে ৷
লগতে পঢ়ক-2014 বৰ্ষৰ আজিৰ দিনটোতে এদিনীয়াত সৰ্বাধিক স্কৰ গঢ়িছিল ৰোহিত শৰ্মাই
