স্পৰ্টছ ডেস্ক, 24 আগষ্ট : ভাৰত-ৱেষ্ট ইণ্ডিজ প্ৰথম টেষ্টৰ দ্বিতীয় দিনা ভাৰতীয় দলে 297 ৰাণত প্ৰথম ইনিংছ সামৰে ৷ ইয়াৰ পাছতে ৱেষ্ট ইণ্ডিজে বেটিং কৰি 8 টা উইকেট হেৰুৱাই 189 ৰাণৰ ইনিংছ গঢ়িবলৈ সক্ষম হয় ৷ ৱেষ্ট ইণ্ডিজৰ হৈ ক্ৰেইগ ব্ৰেথৱেইট আৰু জন কেম্পৱেলে অ'পেনিং কৰি প্ৰথম উইকেটত 36 ৰাণ সংগ্ৰহ কৰে যদিও 8 সংখ্যক অ'ভাৰত মহম্মদ ছামীৰ হাতত কেম্পৱেলে উইকেট হেৰুৱায় ৷ ভাৰতৰ হৈ ঈশান্ত শৰ্মাই 5 টা উইকেট দখল কৰাৰ লগতে ছামী,বুমৰাহ আৰু জাদেজাই এটাকৈ উইকেট দখল কৰে ৷
ইয়াৰ পূৰ্বে ভাৰতে দ্বিতীয় দিনাৰ বেটিং আৰম্ভ কৰি প্ৰথমেই ঋষভ পন্তৰ উইকেট হেৰুৱায় ৷ কেমাৰ ৰ'ছৰ হাতত 24 ৰাণ কৰি আউট হয় পন্ত ৷ ইয়াৰ পাছতে জাদেজাৰ সৈতে 60 ৰাণৰ পাৰ্টনাৰশ্বিপ গঢ়ে ঈশান্ত শৰ্মাই ৷ ছামীয়ে 19 ৰাণ কৰাৰ লগতে জাদেজাই 58 ৰাণৰ সুন্দৰ ইনিংছ খেলে ৷ 96.4 অ'ভাৰত ভাৰতে আটাইকেইটা উইকেট হেৰুৱাই 297 ৰাণৰ ইনিংছ গঢ়িবলৈ সক্ষম হয় ৷
ৱেষ্ট ইণ্ডিজৰ হৈ ৰ'ছে 4 টা উইকেট,গেব্ৰিয়েলে 3 টা,ছেজে 2 টা আৰু হ'ল্ডাৰে এটা উইকেট দখল কৰে ৷
