স্পৰ্টছ ডেস্ক, ৩১ মাৰ্চঃ আইপিএলক লৈ নামি আহিছে অনিশ্চয়তা । যদিহে আইপিএল অনুষ্ঠিত নহয় তেন্তে কৰ্তন হব পাৰে দৰমহা । ন প্লে, ন পে নীতি গ্ৰহণ কৰিব পাৰে বিচিচিআইয়ে । যদিহে এনে হয় তেন্তে বহু খেলুৱৈৰ ওপৰত প্ৰভাৱ বিস্তাৰ কৰিব এই সিদ্ধান্তই । সাধাৰণতে যি সকল ঘৰুৱা খেলুৱৈয়ে পোন প্ৰথমবাৰৰ বাবে এই বছৰ অন্তৰ্ভূক্ত হৈছিল আইপিএলৰ ত্ৰয়োদশ সংস্কৰণত ।
কোভিড-১৯ ৰ ভয়াৱহতাৰ প্ৰতি লক্ষ্য ৰাখিয়ে প্ৰথম অৱস্থাত ১৫ এপ্ৰিল লৈ স্থিগত কৰা হৈছে আইপিএল । আইপিএলৰ নিয়ম অনুসৰি টুৰ্ণামেণ্টৰ প্ৰথম সপ্তাহত ১৫ শতাংশ, টুৰ্ণামেণ্টৰ মাজ সময়কালত ৬৫ শতাংশ আৰু টুৰ্ণামেণ্টৰ শেষ হোৱাৰ পাচত ২০ শতাংশ মাননী দিয়া হয় । বৰ্তমানলৈকে কোনো খেলুৱৈক মাননী দিয়া হোৱা নাই বিচিচিআইৰ নিয়ম অনুসৰি ।
আইপিএলৰ এটা ছীজন অবিহনে অৰ্থনৈতিক সংকটে দেখা দিব পাৰে । তাতে লকডাউনৰ ফলত হাজাৰ কোটি টকাৰ লোকচানৰ সন্মুখীনৰ পাচতেই ঘৰুৱা খেলুৱৈ সকলৰ দৰমহা কৰ্তনৰো সন্মুখীন হোৱাৰ সন্মুখীন আছে বুলি কয় ভাৰতীয় ক্ৰিকেট সংস্থাৰ অধ্যক্ষগৰাকীয়ে । বৰ্তমান সময়ত বিচিচিআইয়ে বিকল্প পথৰ চিন্তা-চৰ্চা কৰি আছে । দেশত ১৪ এপ্ৰিললৈ ২১ দিনৰ বাবে লকডাউনৰ ঘোষণা কৰা হৈছে । ইপিনে ১৫ এপ্ৰিল লৈ স্থগিত কৰা হৈছে আইপিএল ।
