স্পৰ্টছ ডেস্ক, 21 অক্টোবৰ: সোমবাৰৰ পৰা প্ৰতিবাদত নামিছে বাংলাদেশ ক্ৰিকেট দল ৷ 11 টা কৈ দাবী উত্থাপন কৰি বাংলাদেশ ক্ৰিকেট বৰ্ডৰ বিৰুদ্ধে প্ৰতিবাদত বহিছে বাংলাদেশ দলটো ৷ যাৰ বাবে অহা 3 নৱেম্বৰৰ পৰা ভাৰতৰ বিৰুদ্ধে অনুষ্ঠিত হ’বলগীয়া টি-20 শৃংখলাৰ ওপৰত নামি আহিছে অনিশ্চয়তা ৷ এই সন্দৰ্ভত প্ৰতিক্ৰিয়া প্ৰকাশ কৰি গাংগুলীয়ে কয়, এইয়া বাংলাদেশ ক্ৰিকেট দলৰ আভ্যন্তৰীণ সমস্যা, মই আশা কৰিছো অতি সোনকালেই এই সকলো সমস্যা সমাধান কৰি ভাৰত ভ্ৰমণলৈ আহিব দলটো ৷ ভাৰতৰ বিৰুদ্ধে তিনিখন টি-20 মেচত অৱতীৰ্ণ হ’ব বাংলাদেশ দলটো ৷
উল্লেখ্য যে, বাংলাদেশ প্ৰীমিয়াৰ লীগৰ সপ্তম সংস্কৰণৰ বেতনক লৈয়ে বৰ্ড আৰু খেলুৱৈৰ মাজত মত-বিৰোধৰ সৃষ্টি হৈছে ৷
