স্পৰ্টছ ডেস্ক,২২ এপ্ৰিলঃ সোমবাৰে আফগানিস্তান ক্ৰিকেট ব'ৰ্ডে ঘোষণা কৰিলে বিশ্বকাপ ২০১৯ৰ বাবে ১৫ জনীয়া সদস্য়ৰ দল । গুলবাদিন নাইবৰ নেতৃত্বত ১৫ জনীয়া দলটোত স্থান লাভ কৰিছে আই পি এলৰ তাৰকাদ্বয় ৰছিদ খান আৰু মহম্মদ নবীয়ে । আনহাতে,দীৰ্ঘ বিৰতিৰ অন্তত দললৈ প্ৰত্যাৱৰ্তন কৰিছে দলৰ প্ৰাক্তন অধিনায়ক আছগৰ আফগান আৰু বেগী বলাৰ হামিদ হাছানে। মে মাহৰ ২৪ আৰু ২৭তাৰিখে পাকিস্তান আৰু ইংলেণ্ডৰ বিৰুদ্ধে ৱাৰ্ম-আপ মেচেৰে ২০১৯ বিশ্বকাপৰ অভিযান আৰম্ভ কৰিব দলটোৱে ।
দলটোত স্থান লাভ কৰা ক্ৰিকেটাৰ সকল হৈছে ক্ৰমেঃ গুলবাদিন নাইব (অধিনায়ক), মহম্মদ ছাহজাদ ( উইকেট ৰক্ষক), নুৰ আলি জৰদান, হৰজাতুল্লাহ জাজাই, ৰহমত শ্বাহ,আছগৰ আফগান,হাছমাতুল্লাহ ছাহিদি, নাজিবুল্লাহ জদৰান, চামিউল্লাহ শ্বিনৱাৰী, মহম্মদ নবী, ৰছিদ খান, দাউলাট জদৰান, আফতাব আলম, হামিদ হাছান আৰু মুজিবৰ ৰহমান ।
