স্পৰ্টছ ডেস্ক,২ নৱেম্বৰ : চলিত বিশ্বকাপত অষ্ট্ৰেলিয়া দল আৰু দলটোৰ অনুৰাগীৰ বাবে উদ্বেগৰ খবৰ । ব্যক্তিগত কাৰণত ভাৰত এৰি পাৰ্থলৈ উৰা মাৰিছে অষ্ট্ৰেলিয়াৰ অলৰাউণ্ডৰ মিচেল মাৰ্শে । লগে লগে চলিত আইচিচি ক্ৰিকেট বিশ্বকাপৰ পৰা অনিৰ্দিষ্ট কালৰ বাবে বাহিৰ খেলুৱৈগৰাকী বাহিৰ হোৱাৰো আশংকা কৰা হৈছে ।
এক্সৰ এটা পোষ্টত ক্ৰিকেট অষ্ট্ৰেলিয়াই জনাইছে যে মিচেল মাৰ্শে ব্যক্তিগত কাৰণত বুধবাৰে ঘৰলৈ ৰাওনা হৈছে । এগৰাকী মুখ্য অলৰাউণ্ডাৰ দলৰ পৰা বাহিৰ হোৱাৰ লগে লগে অষ্ট্ৰেলিয়া সংকটত পৰিছে । অৱশ্যে অষ্ট্ৰেলিয়ান ক্ৰিকেট সংস্থাই ব্যক্তিগত কাৰণৰ বিৱৰণ প্ৰকাশ কৰা নাই ।
- " class="align-text-top noRightClick twitterSection" data="">
অলৰাউণ্ডাৰ গ্লেন মেক্সৱেল আঘাতৰ বাবে ইংলেণ্ডৰ সৈতে শনিবাৰে হ’বলগীয়া সংঘৰ্ষৰ পৰা বাহিৰ হোৱাৰ পাছত অষ্ট্ৰেলিয়াই এতিয়া মিচেল মাৰ্শক হেৰুৱাই অপ্ৰত্যাশিত পৰিস্থিতিৰ সন্মুখীন হৈছে । মিচেল মাৰ্শ কিমান দিনৰ বাবে উপলব্ধ নহ'ব সেয়া স্পষ্ট হোৱা নাই ।
পইণ্ট তালিকাৰ তৃতীয় স্থানত থকা ৫ বাৰৰ বিশ্ব চেম্পিয়ন অষ্ট্ৰেলিয়া আহমেদাবাদৰ নৰেন্দ্ৰ মোদী ষ্টেডিয়ামত ৪ নৱেম্বৰ শনিবাৰে আকাংক্ষিত প্ৰতিযোগিতাৰ পৰা ইতিমধ্যে বাহিৰ হোৱা বৰ্তমানৰ চেম্পিয়ন ইংলেণ্ডৰ সৈতে মুখামুখি হ'ব । প্ৰথম দুখন খেল ক্ৰমে ভাৰত আৰু দক্ষিণ আফ্ৰিকাৰ হাতত পৰাস্ত হোৱাৰ পাছত পুনৰ ফৰ্মলৈ আহিছে অষ্ট্ৰেলিয়া । পেট কামিন্সৰ নেতৃত্বত দলটোৱে শেহতীয়াকৈ শ্ৰীলংকা, পাকিস্তান, নেডাৰলেণ্ড আৰু নিউজিলেণ্ডৰ বিৰুদ্ধে ৪ খন খেল জয়ী হৈ পুনৰ ফৰ্মলৈ উভতি আহিছে । ইংলেণ্ডৰ বিৰুদ্ধে খেলখনৰ পাছত অষ্ট্ৰেলিয়াই ক্ৰমে মুম্বাই আৰু পুনেত আফগানিস্তান আৰু বাংলাদেশৰ বিৰুদ্ধে মুখামুখি হ'ব ।
লগতে পঢ়ক :ICC World Cup 2023 : ৱানখেড়েত হিটমেন শ্ব' চাবলৈ আগ্ৰহী অনুৰাগী
