গুৱাহাটী, 29 ফেব্ৰুৱাৰীঃ শনিবাৰে জুবিন গাৰ্গৰ স্বাস্থ্যৰ বুজ ল’বলৈ নেমকেয়াৰ চিকিৎসালয়ত উপস্থিত হ’ল জুবলী বৰুৱা ৷ অসমবাসীৰ মৰম আশীৰ্বাদত অতি কম সময়ৰ ভিতৰতেই সুস্থ হৈ উঠিছে বুলি কয় জুবলীয়ে । সাংবাদিকৰ আগত নিজেও যাতে স্বাস্থ্যৰ অলপ যত্ন লয় সেই কথা উল্লেখ কৰি দ্ৰুত আৰোগ্য কামনা কৰি ভগৱানৰ ওচৰত প্ৰাৰ্থনা জনায় সহ শিল্পীগৰাকীয়ে ।
শনিবাৰে জুবিন গাৰ্গৰ স্বাস্থ্যৰ বুজ ল’লে জুবলী বৰুৱাই
শুকুৰবাৰে গুৱাহাটী টাউন ক্লাৱৰ এক অনুষ্ঠানৰ শুভ উদ্বোধন কৰিবলৈ গৈ হঠাতে ঢলি পৰিছিল জনপ্ৰিয় কণ্ঠশিল্পী জুবিন গাৰ্গ ৷ পিচত ততাতৈয়াকৈ মহানগৰীৰ নেমকেয়াৰ হাস্পতালত ভৰ্তি কৰোৱা হৈছিল শিল্পীগৰাকীক ৷ অত্যন্ত কষ্ট আৰু টোপনি ক্ষতিৰ ফলতে স্নায়ুজনিত কাৰণত শিল্পীগৰাকী ঢলি পৰাৰ কথা প্ৰকাশ কৰিছিল চিকিৎসকে ৷
