এইবেলি অনাড়ম্বৰপূৰ্ণ জন্মদিন উদযাপন কৰিব অক্ষয় অ’বেৰয়ে

নিজ বাসগৃহতে পৰিয়াল আৰু ঘনিষ্ঠ বন্ধু বৰ্গৰ সৈতে শুকুৰবাৰে অনাড়ম্বৰপূৰ্ণভাৱে জন্মদিন উদযাপন কৰিব অভিনেতা অক্ষয় অ’বেৰয়ে ৷ নৱবৰ্ষতো নতুন উদ্যমেৰে কাম কৰাক লৈ আশাবাদী অভিনেতা গৰাকী ৷

চিটাৰা ডেস্ক,1 জানুৱাৰী : শুকুৰবাৰে অভিনেতা অক্ষয় অ’বেৰয়ে নিজ বাসগৃহতে পৰিয়াল আৰু ঘনিষ্ঠ বন্ধু বৰ্গৰ সৈতে উদযাপন কৰিব নিজৰ জন্মদিনটো ৷

2020 বৰ্ষত তেওঁ কৰা কামৰ বাবে দৰ্শকৰ পৰা বহু মৰম পোৱাৰ পৰিপ্ৰেক্ষিতত নৱবৰ্ষতো নতুন উদ্যমেৰে কাম কৰাক লৈ আশাবাদী অভিনেতা অক্ষয় ৷

বিগত বৰ্ষত মুক্তিলাভ কৰা "Flesh", "High" আৰু "Illegal" ৱেব চিৰিজত দেখা হৈছিল অক্ষয়ক ৷ তেওঁৰ "Chote Nawab" নামৰ ছুটি ছবিখনে Indian Film Festival of Cincinnati 2020ত প্ৰদৰ্শনৰ সুযোগ লাভ কৰে ৷

পৰৱৰ্তী সময়ত "Madam Chief Minister", "KTina" আৰু "Inside Edge"ৰ দৰে প্ৰজেক্ট হাতত থকা বুলি উল্লেখ কৰে অভিনেতা গৰাকীয়ে ৷

লগতে পঢ়ক : নাতিনী আৰাধ্যাৰ সৈতে গীত বাণীবদ্ধ কৰিলে বিগ-বি অমিতাভ বচ্চনে