এন্টাৰটেইনমেন্ট ডেস্ক, 1 জুলাই : শীঘ্ৰেই মুক্তি পাবলগা 'ভাৰ্জিন ভানুপ্ৰিয়া' সম্পৰ্কত মন্তব্য আগবঢ়াইছে বলীউদৰ মোহময়ী অভিনেত্ৰী উৰ্বশী ৰৌতেলাই ৷ হলীউদৰ তাৰকা অভিনেত্ৰী এমা ষ্টোনৰ 'ইজী A' ৰ দ্বাৰা অনুপ্ৰাণিত হৈ 'ভাৰ্জিন ভানুপ্ৰিয়া' নিৰ্মাণ কৰা হৈছে নেকি সেই সম্পৰ্কত দৰ্শকৰ মাজত উৎসুকতা দেখা বুলি মন্তব্য কৰে উৰ্বশী ৰৌতেলাই ৷
'ইজী A' হৈছে 2010 চনত নিৰ্মিত এখন আমেৰিকান কমেডী ছবি ৷ অলিভ নামৰ এগৰাকী ছোৱালীৰ জীৱনৰ আধাৰত এই ছবিখন নিৰ্মিত ৷
নিজৰ ছবি সম্পৰ্কত উৰ্বশীয়ে কয়, "এয়া একেধাৰে কমেডী আৰু নাট ৷ বৰ্তমানৰ যুৱচামৰ সৈতে খাপ খুৱাকৈ ছবিখন নিৰ্মাণ কৰা হৈছে ৷ ইয়াত পৰিয়াল আৰু যুৱচামৰ মাজত সম্পৰ্কক দেখুৱাবলৈ চেষ্টা কৰা হৈছে ৷"
বহুলোকে মোক প্ৰশ্ন কৰি আছে যে, এই ছবিখন এমা ষ্টোনৰ ইজী A ৰ দ্বাৰা অনুপ্ৰাণিত নেকি ? কিন্তু, এয়া মই তেওঁলোকক চিন্তা কৰিবৰ বাবে এৰি দিছো ৷ ছবিখন চোৱাৰ পাচতহে তেওঁলোকে সেই সম্পৰ্কত বুজিব পাৰিব ৷ ছবিখনত উৰ্বশীয়েও কলেজত অধ্যয়নৰত ছাত্ৰীৰ দৰে ভূমিকা পালন কৰিছে ৷
- " class="align-text-top noRightClick twitterSection" data="
">
16 জুলাইত ভাৰ্জিন ভানুপ্ৰিয়া OTT প্লেটফৰ্মত মুকলি হ'ব ৷ এই সম্পৰ্কত ছবিখনৰ সৈতে জড়িত দলটোৱে শেহতীয়াকৈ এক ভাৰ্চুৱেল মিটিঙত অংশগ্ৰহণ কৰে ৷
তেওঁ কয়, "আমাৰ সৈতে আছে অৰ্চনা পুৰণ সিং ৷ তেওঁ মোৰ মাতৃৰ ভূমিকা পালন কৰিছে আৰু আমাৰ সৈতে গৌতম গুলাটিও ছবিখনত আছে ৷ ঘৰতে থাকি ট্ৰেইলাৰ মুকলি কৰা হৈছে আমাৰ ছবিখনৰ ৷ বিশ্বৰ বিভিন্ন স্থানৰ পৰা অনুৰাগীসকলে ছবিখন সন্দৰ্ভত বিভিন্ন প্ৰশ্ন কৰিছে আৰু তেওঁলোকে ছবিখন, মোৰ চৰিত্ৰ আৰু কাহিনী সম্পৰ্কত আৰু জানিব বিচাৰিছে ৷"
লগতে পঢ়ক : নাৰ্চৰ সৈতে মত-বিনিময় কংগ্ৰেছ নেতা ৰাহুল গান্ধীৰ
