মুম্বাই,19 ডিচেম্বৰঃ জামিয়া মিলিয়া ইছলামিয়া আৰু আলীগড় মুছলিম বিশ্ববিদ্যালয়ত ছাত্ৰৰ ওপৰত আৰক্ষীৰ কাৰ্যকলাপৰ সন্দৰ্ভত ক্ষোভিত হৈ পৰে প্ৰিয়ংকা চোপ্ৰা ৷ অভিনেত্ৰী গৰাকীয়ে বৃহস্পতিবাৰে কয়,এখন গণতান্ত্ৰিক দেশত,শান্তিপূৰ্ণ প্ৰতিবাদকাৰীৰ ওপৰত এনেদৰে হিংসা প্ৰদৰ্শন কৰাটো ভুল হৈছে ৷
37 বছৰীয়া অভিনেত্ৰীগৰাকীয়ে,দেওবাৰে নাগৰিকত্ব সংশোধনী আইনৰ বিৰোধিতা কৰি আৰক্ষীৰ বৰ্বৰতাৰ সন্মুখীন হোৱা এই হিংসাত্মক ঘটনাৰ তীব্ৰ বিৰোধিতা কৰে ৷
"সকলো ল'ৰা-ছোৱালীয়ে শিক্ষা গ্ৰহণ কৰিবলৈ পোৱাটো আমাৰ সপোন ৷ শিক্ষা সেয়া হয় যি স্বতন্ত্ৰ ৰূপত ভাৱিবৰ বাবে সবলীকৰণ কৰা হয়,আমি তেওঁলোকক মত দাঙি ধৰিবৰ বাবেই শিক্ষা দিও ৷ এখন গণতন্ত্ৰত নিজৰ মত শান্তিপূৰ্ণভাৱে দাঙি ধৰাটোৰ লগত হিংসাত্মক কাৰ্য মিলোৱাটো ভুল কথা ৷ প্ৰত্যেক কন্ঠৰে গুৰুত্ব আছে ৷ আৰু প্ৰত্যেকটো কন্ঠই ভাৰতক সলনি কৰাৰ দিশত সহায়ক হ'ব ৷ #Havevoicewillraise #Havevoicemustraise " বুধবাৰে এইদৰে টুইটযোগে নিজৰ মত প্ৰকাশ কৰে অভিনেত্ৰীগৰাকীয়ে ৷
- — PRIYANKA (@priyankachopra) December 18, 2019 " class="align-text-top noRightClick twitterSection" data="
— PRIYANKA (@priyankachopra) December 18, 2019
অভিনেতা ফাৰহান আখটাৰ,ঋত্বিক ৰোশন,মহম্মদ জিশান আয়ুব,পৰিণীতি চোপ্ৰা,সিদ্ধাৰ্থ মলহোত্ৰা,লেখক জাৱেদ আখটাৰ,ছবি নিৰ্মাতা বিশাল ভৰদ্বাজ,অনুৰাগ কাশ্যপ আৰু হলীউড অভিনেতা জন কুসেকৰ দৰে ছবিজগতৰ লগত জড়িত বহুজনে ছাত্ৰ সমাজৰ লগত একজোঁট বুলি ব্যক্ত কৰে ৷
