নিউজ ডেস্ক,১৩ আগষ্ট: একচন হিৰ' বিদ্যুৎ জামৱালে মুভি ষ্টাণ্ট এচ'চিয়েশ্ব্যনৰ শিল্পীসকলক সহায় কৰাৰ উদ্দেশ্যে আগবঢ়ালে আৰ্থিক অনুদান ।
মহামাৰী ক'ৰণাৰ বাবে চলি থকা লকডাউনৰ বাবে যোৱা বহুকেইটা মাহ ধৰি ছবি উদ্যোগটো বন্ধ হৈ থকাৰ ফলত তেওঁলোকৰ উপাৰ্জন একেবাৰে বন্ধ হৈ পৰাত ষ্টাণ্ট আৰ্টিষ্টসকলৰ অৱস্থা অতিকে দুখজনক হৈ পৰিছে ।
এই কথা অৱগত হোৱাৰ পিছতেই অভিনেতা বিদ্যুতে স্ক্ৰীন ৱাৰিৱ'ৰ্চ ষ্টাণ্ট আৰ্টিষ্টসকললৈ এখন পত্ৰৰ লগতে প্ৰেৰণ কৰে আৰ্থিক অনুদানো ।
এইসকল শিল্পীক এতিয়া আমাৰ সহায়ৰ প্ৰয়োজন । আমাৰ অকনমান সহায়ত এওঁলোক আগবাঢ়িব পাৰিব । সেয়েহে যিসকলে আৰ্থিকভাৱে সহায়ৰ বাবে আগ্ৰহী তেখেতসকলেও আমাৰ এই স্ক্ৰীন ৱাৰিৱ'ৰ্চসকলক আৰ্থিক অনুদান আগবঢ়াই তেওঁলোককো জীৱন যাপনৰ বাবে সহায় কৰক । পত্ৰখনত এইদৰে উল্লেখ কৰিলে এক্সন হিৰ' বিদ্যুৎ জামৱালে ।
