দীপিকাৰ সৈতে একেলগে কাম কৰিবলৈ উৎসাহী সিদ্ধান্ত চৰ্তুবেদী

গালী বয় ষ্টাৰ সিদ্ধান্ত চৰ্তুবেদীয়ে আগন্তুক দিনত অভিনয় কৰিব শকুন বত্ৰাৰ নতুন ছবিত ৷এই ছবিখনত জনপ্ৰিয় অভিনেত্ৰী দীপিকা পাডুকনৰ সৈতে একেলগে অভিনয় কৰিব নৱাগত অভিনেতা সিদ্ধান্ত চৰ্তুবেদীয়ে ৷ ইয়াকে লৈ এতিয়া যথেষ্ট উৎসাহী হৈ পৰিছে অভিনেতাগৰাকী ৷

চিটাৰা ডেস্ক,24জুনঃ ছবি গালী বয়ত এমচি.চেৰৰ চৰিত্ৰত অভিনয় কৰা উদীয়মান অভিনেতা সিদ্ধান্ত চতুৰ্বেদীৰ ওচৰত বৰ্তমান আছে বহুকেইখন ছবি ৷

শেহতীয়াকৈ তেওঁ শকুন বত্ৰাৰ বেনাম নামৰ ছবিখনৰ বাবে চুক্তিৱদ্ধ হৈছে ৷ এই ছবিখনত সিদ্ধান্ত চতুৰ্বেদীৰ সৈতে অভিনয় কৰিব জনপ্ৰিয় অভিনেত্ৰী দীপিকা পাডুকনে ৷ ইয়াকে লৈ এতিয়া যথেষ্ট উৎসাহী হৈ পৰিছে নৱাগত অভিনেতাগৰাকী ৷

দীপিকাৰ সৈতে একেলগে কাম কৰিবলৈ উৎসাহী সিদ্ধান্ত চৰ্তুবেদী

তেওঁ আগন্তুক প্ৰজেক্টসমূহক লৈ যথেষ্ট ৰোমাঞ্চিত হৈ আছে ৷ তেওঁ আই.এ.এন.এছক সদৰী কৰা মতে," মই বান্টি আৰু বাবলী ছবিৰ বাবে যথেষ্ট উৎসাহী হৈ আছো আৰু এইখন মানুহে চোৱাক লৈ ৰামাঞ্চিত হৈ আছো ৷ মোৰ এনেকুৱা অনুভৱ মহামাৰীৰ পিছত ছবিখনৰ লগত সকলোখিনি ভাল হ'ব ৷ এই ছবিখন এখন পৰিয়ালকেন্দ্ৰিক ছবি৷"

লগতে কয়," এইখন যথেষ্ট সুন্দৰ ছবি, মই ইয়াৰ শ্বুটিং কৰি বহুত ভাল পালো আৰু এই জটিল সময়খিনিৰ পিছত দৰ্শকক এনেধৰণৰ ৰসাল আৰু পাতল ছবিৰ প্ৰয়োজন আছে ৷ মই প্ৰকৃততেই এই ছবিখনক লৈ উৎসাহী৷"

ইয়াৰ উপৰিও শকুন বত্ৰাৰ আগন্তুক ছবি বেনামত দীপিকা পাডুকন আৰু অনন্যা পাণ্ডেৰ সৈতে একেলগে অভিনয় কৰিব সিদ্ধান্ত চৰ্তুবেদীয়ে ৷

তেওঁ কয়," উৎসাহিত হৈছো কিয়নো এইখন এনেকুৱা ছবি যাৰ শৈলী আগতে কেতিয়াও হিন্দী চিনেমাত প্ৰয়োগ কৰা নাই ৷ ছবিখনত সুক্ষ্মতাৰে কাম কৰা হৈছে আৰু ইয়াত বহুত তথ্যও আছে ৷ শকুন এগৰাকী উৎকৃষ্ট পৰিচালক ৷এই ছবিখন সমসাময়িক অৰ্থাৎ নতুন প্ৰজন্মৰ ছবি ৷ বহুত আনন্দ লাগিব ৷ মই দীপিকা পাডুকনৰ সৈতে অভিনয় কৰিম ! দীপিকাৰ সৈতে কথা পাতিবলৈ পোৱাটোৱে সকলো ল'ৰাৰ সপোন ৷ এইখন এখন ৰোমান্টিক থ্ৰিলাৰ আৰু মই নিজৰ সুখ খিনি নিয়ন্ত্ৰণ কৰিব পৰা নাই ৷"

লক্ ডাউনৰ সময়খিনিত অভিনেতাগৰাকীৰ ধুপ নামৰ এটা নতুন মিউজিক ট্ৰেক মুক্তি লাভ কৰিছিল ৷ লক্ষণীয় ভাৱে এই ট্ৰেকটোৱে যথেষ্ট সমাদৰ লাভ কৰিবলৈ সক্ষম হৈছিল ৷

লগতে পঢ়কঃ মিৰ্জাপুৰ অভিনেত্ৰী অনংশা বিশ্বাসে কি ক'লে নিজৰ ডিপ্ৰেছন সন্দৰ্ভত ?