চিটাৰা ডেস্ক, ২৩ ডিচেম্বৰ: বলীউড অভিনেতা ছাহিদ কাপুৰে স্পষ্টভাৱে ছবি নিৰ্মাতা শশাংক খৈতানৰ আগন্তুক ছবি 'যোদ্ধা'ত অভিনয় কৰাক লৈ আপত্তি দৰ্শাইছে । পূৰ্বে কৰণ জোহৰ প্ৰডাকছনৰ ছবিখনত কাম কৰাৰ বাবে সন্মতি দিছিল যদিও এতিয়া ছবিখনত অভিনয় নকৰাৰ সিদ্ধান্ত লৈছে । অৱশ্যে, আনুষ্ঠানিকভাৱে ছবিখনৰ বিষয়ে ঘোষণা কৰা হোৱা নাছিল যদিও 'জাৰ্ছি' ছবিৰ দৃশ্যগ্ৰহণ সম্পূৰ্ণ হোৱাৰ পিছতে ছাহিদক 'যোদ্ধা'ৰ দৃশ্যগ্ৰহণ কৰিবলৈ কোৱা হৈছিল ।
- " class="align-text-top noRightClick twitterSection" data="
">
এতিয়া 'জাৰ্ছি' ছবিৰ দৃশ্যগ্ৰহণ সম্পূৰ্ণ হোৱাৰ বাবে ছবি নিৰ্মাতাই 'যোদ্ধা'ৰ কাম আগুৱাই নিয়াত আগ্ৰহ প্ৰকাশ কৰিছে । শীৰ্ষ ৱেবলইডে প্ৰকাশ কৰা তথ্য অনুসৰি, কিছুমান ৰচনাত্মক মতভেদ থকাৰ বাবে অভিনেতাজনে ছবিখনত কাম নকৰাৰ সিদ্ধান্ত লৈছে । ছবি নিৰ্মাণকাৰী দলটোৰ মতে, কেইবাটাও বিষয়ত তেওঁলোকক এক মতত উপনীত হ'ব পৰা নাই আৰু 'কবীৰ সিং' ছবিৰ অভূতপূৰ্ব সফলতাৰ পিছত ছাহিদ যথেষ্ট অহংকাৰী হোৱা পৰিলক্ষিত হৈছে ।
- " class="align-text-top noRightClick twitterSection" data="
">
এনে পৰিস্থিতিত কৰণ জোহৰ আৰু শশাংকে ছাহিদৰ দাবীসমূহ পূৰণ কৰিব নে আন এজন অভিনেতাৰ বিষয়ে চিন্তা কৰিব সেয়া এতিয়াও স্পষ্ট হোৱা নাই । কিন্তু গুজৱ উঠিছে যে, ছাহিদ কাপুৰক 'যোদ্ধা' ছবিত দেখিবলৈ পোৱা নাযাব ।
উল্লেখ্য যে, এমাজন প্ৰাইমত মুক্তি পাবলগীয়া ছবি নিৰ্মাতা ডুঅ' ৰাজ আৰু ডি কেৰ আগন্তুক ৱেব ছিৰিজত ছাহিদক দেখিবলৈ পোৱা যাব । ছিৰিজটোত তামিল ছুপাৰষ্টাৰ বিজয় ছেটুপথিয়েও গুৰুত্বপূৰ্ণ চৰিত্ৰ ৰূপায়ণ কৰিব । অহা বৰ্ষৰ জানুৱাৰী মাহৰ পৰা ছাহিদে দৃশ্যগ্ৰহণ আৰম্ভ কৰিব ।
লগতে পঢ়ক:'দ্যা হোৱাইট টাইগাৰ'ৰ ট্ৰেইলাৰ মুকলিত আপ্লুত দৰ্শক
