মাস্ক নিপিন্ধাকৈ বাহিৰলৈ ওলাল চেইফ-কৰীণা

শেহতীয়াকৈ যথেষ্ট ভাইৰেল হৈছে চেইফ আলী খান আৰু তেওঁৰ পত্নী কৰীণা কাপুৰ আৰু পুত্ৰ তাইমূৰৰ কেইখনমান ফটো আৰু তাৰ পিছতেই সমালোচনাৰ সন্মুখীন হয় দুয়োগৰাকী তাৰকা ৷ দৰাচলতে,ফটোকেইখনত তিনিওকে দেখা গৈছিল বিনা মাস্কত ৷ যাৰ বাবে সাধাৰণ ৰাইজে তীক্ষ্ণ সমালোচনা কৰে দুয়োৰে এই কাণ্ডক ৷

চিটাৰা ডেস্ক, 8 জুনঃ লক ডাউনত কিছু শিথিলতা অনাৰ পিছত তাৰকা দম্পতি চেইফ আৰু কৰীণাই পুত্ৰৰ সৈতে সাগৰৰ পাৰত খোজ কাঢ়ি থকা পৰিলক্ষিত হয় ৷ তেওঁলোকৰ এই ভ্ৰমণকালতে তোলা কেইখনমান ফটো ভাইৰেল হৈ পৰিছে ছ'চিয়েল মিডিয়াত ৷ য'ত চেইফ আলী খান আৰু তেওঁৰ পত্নী কৰীণা কাপুৰ আৰু পুত্ৰ তাইমূৰৰ মুখত মাস্ক নাছিল ৷ মাস্ক নথকাৰ বাবেই একাংশই কথাৰে থকা সৰকা তাৰকাদ্বয়ক ৷

সমালোচনাৰে তুলাধুনা

এই সন্দৰ্ভত বহুজনে বহুধৰণৰ কথা লিখে ছ'চিয়েল মিডিয়াত ৷ অৱশ্যে একাংশই তাৰকাদ্বয়ৰ পক্ষত থিয় দিয়াও পৰিলক্ষিত হৈছে ৷ তেওঁলোকৰ মতে,সেইখিনি সময়ত তেওঁলোকৰ সৈতে বেছি মানুহ নাছিল,সেইকাৰণে হয়টো তেওঁলোকে মাস্ক পিন্ধাৰ প্ৰয়োজনীয়তা অনুভৱ কৰা নাছিল ৷

লগতে পঢ়কঃ১১ জুনত ডুবাইত মুক্তি লাভ কৰিব অক্ষয় কুমাৰ অভিনীত ছবি গুড নিউজ