চিটাৰা ডেস্ক, 31 আগষ্ট : বৰ্তমান প্ৰজন্মৰ অন্যতম শ্ৰেষ্ঠ অভিনেতাগৰাকীৰ ভিতৰত এজন হ’ল ৰাজকুমাৰ ৰাও ৷ প্ৰায় এটা দশক পূৰ্বে Love Sex Aur Dhokha ছবিখনৰ জৰিয়তে বলীউডত নিজৰ কেৰিয়াৰ আৰম্ভ কৰিছিল ৰাজকুমাৰে ৷ ইয়াৰ পিছতে ‘Shahid’ আৰু ‘Kai Po Che’ত নিজৰ অভিনয় প্ৰতিভা দাঙি ধৰে অভিনেতাগৰাকীয়ে ৷
ইয়াৰ পিছৰ পৰা ‘Citylights’, ‘Shaitan’, ‘Gangs of Wasseypur 2’, ‘Talaash’, ‘Trapped’ আদি ছবিসমূহত কৰা নিজৰ দূৰ্দান্ত অভিনেৰে দৰ্শকৰ মন জয় কৰিবলৈ সক্ষম হৈছে অভিনেতাগৰাকীয়ে ৷ বলিউডৰ কেইবাটাও ধাৰাৰ ছবিত অভিনয় কৰিছে ৰাজকুমাৰে ৷ ইয়াৰ ভিতৰত ‘Bareilly Ki Barfi’, ‘Fanney Khan’, ‘Ludo’, ‘Stree’ আদিৰ দৰে কমেডি ধাৰাৰ ছবিসমূহ উল্লেখনীয় ৷
আহক জানো ৰাজকুমাৰৰ বিষয়ে কিছু নজনা কথা-
বিগ বি অমিতাভ বচ্চনৰ সৈতে এখন ছবিত ডেব্যু কৰিছিল ৰামজকুমাৰ ৰাৱে ৷
ৰাম গোপাল বৰ্মা পৰিচালিত আৰু অমিতাভ বচ্চন আৰু ৰিতেশ দেশমুখ অভিনীত ছবি ‘Rann’ ত এগৰাকী বাতৰি পৰিৱেশকৰ চৰিত্ৰত অভিনয় কৰিছিল ৰাজকুমাৰে ৷
ৰাজকুমাৰ ৰাও তেওঁৰ প্ৰকৃত নাম নহয় ৷ ৰাজকুমাৰৰ প্ৰকৃত নাম ৰাজকুমাৰ যাদৱ ৷ কিন্তু তেওঁৰ মাতৃয়ে তেওঁৰ নাম সলনি কৰি ৰাজকুমাৰ ৰাও ৰাখে ৷
ৰাজকুমাৰ ৰাও পুনেস্থিত Film and Television Institute of India ৰ ছাত্ৰ ৷ তেওঁ তাৰ পৰা 2008 চনত স্নাতক ডিগ্ৰী লাভ কৰিছিল ৷
ৰাজকুমাৰ টাইকোৱাণ্ডোত স্বৰ্ণ পদক লাভ কৰিছে ৰাজকুমাৰে ৷
আমিৰ খান অভিনীত ছবি Talaashত এগৰাকী আৰক্ষী বিষয়াৰ ছবিত অভিনয় কৰিছিল ৰাজকুমাৰ ৰাৱে ৷ ছবিখনত এটি সৰু চৰিত্ৰত অভিনয় কৰিবলৈ মান্তি হৈছিল ৰাজকুমাৰ কাৰণ তেওঁ কেৱল আমিৰ খানৰ বিপৰীতে অভিনয় কৰিব বিচাৰিছিল ৷
হঞ্চল মেহেতাৰ দ্বাৰা পৰিচালিত Sahid ছবিখনত Shahid Azmi নামৰ চৰিত্ৰটোত অভিনয় কৰি প্ৰথমটো ৰাষ্ট্ৰীয় চলচ্ছিত্ৰ বঁটা লাভ কৰিছিল ৰাজকুমাৰে ৷
Citylights ছবিখনত অভিনয়ৰ পূৰ্বে নিজৰ চৰিত্ৰটোক সম্পূৰ্ণৰূপে অনুধাৱন কৰিবলৈ ৰাজকুমাৰে সম্পূৰ্ণ এটা দিন এগৰাকী শ্ৰমিক হিচাপে এটা ফেক্টৰীত কাম কৰিছিল ৷ ফেক্টৰীটোত কাম কৰি ৰাজকুমাৰে আম শ্ৰমিসকলৰ দৰে দিনটোত 100 টকা উপাৰ্জন কৰিছিল ৷
ৰাজকুমাৰে অভিনয় কৰা কেইটামান আণ্ডাৰৰেটেত চৰিত্ৰ-
Love Sex aur Dhokha
এই ছবিখনৰ জৰিয়তেই বলীউডত পদাৰ্পণ কৰিছিল অভিনেতা ৰাজকুমাৰ ৰাওে ৷ ছবিখনে 2010 চনত মুক্তি লাভ কৰিছিল ৷ ছবিখন ৰাজকুমাৰে আদৰ্শ নামৰ এগৰাকী মধ্যবিত্ত যুৱকৰ চৰিত্ৰত অভিনয় কৰিছিল ৷ যি নিজৰ চাকৰিৰ সৈতে সংগ্ৰাম কৰি এটি Sex-tape বিতৰ্কত সোমাই পৰে ৷
Shimla Mirchi
নিৰ্মাণৰ প্ৰায় 5 বছৰ পিছত মুক্তি লাভ কৰিছিল ৰমেশ চিপ্পি পৰিচালিত এই ছবিখন ৷ ছবিখনে যদিও বক্স অফিচত সফলতা লাভ কৰিবলৈ সক্ষম হোৱা নাছিল ৷ কিন্তু ছবিখনৰ মুখ্য চৰিত্ৰ অবিনাশৰ চৰিত্ৰটো সুন্দৰকৈ ৰূপায়ণ কৰিছিল ৰাজকুমাৰে ৷
Raabta
সুশান্ত-কৃতিৰ প্ৰেম কাহিনীৰ এই ছবিখনত সম্পূৰ্ণ পৃথক ৰূপত দেখিবলৈ পোৱা গৈছিল ৰাজকুমাৰক ৷ ছবিখনত দৰ্শকে ৰাজকুমাৰক চিনিবলৈ সক্ষম হোৱা নাছিল ৷ যদিও ছবিখনে বক্স অফিচত বেছি ভাল ফলাফল লাভ কৰিব নোৱাৰিলে ৷ তথাপিও ৰাজকুমাৰৰ চৰিত্ৰটোৱে সকলোৰে মনত সাঁচ বহুৱাবলৈ সক্ষম হৈছিল ৷
5 weddings
এগৰাকী বিদেশী আৰু দেশীয় classic প্ৰেম কাহিনীৰ এই ছবিখন মুক্তি লাভ কৰিছিল 2018 চনত ৷ ছবিখনত এগৰাকী সাংবাদিকৰ চৰিত্ৰত অভিনয় কৰা নাৰ্গিছৰ সুৰক্ষাত নিয়োজিত কৰা হৈছিল ৰাজকুমাৰক ৷ ছবিখনত আৰক্ষীৰ চৰিত্ৰটোক সম্পূৰ্ণৰূপ ফুটাই তুলিবলৈ সক্ষম হৈছিল ৰাজকুমাৰে ৷
Made in China
নেটফ্লিক্সত মুক্তিলাভ কৰা Made in China হ’ল ৰাজকুমাৰৰ শেহতীয়া ছবিসমূহৰ এখন ৷ ছবিখনত এগৰাকী মধ্য বয়সীয়া গুজৰাটী ব্যৱসায়ীৰ চৰিত্ৰত অভিনয় কৰিছিল ৰাজকুমাৰে ৷
লগতে পঢ়ক : বিক্ৰম বাত্ৰা-ডিম্পল চিমাৰ প্ৰেমৰ বিষয়ে কি ক'লে সন্দীপ শ্ৰীবাস্তৱে ?
