চিটাৰা ডেক্স,16 ছেপ্টেম্বৰঃ আমেৰিকান জনপ্ৰিয় গায়ক নিক জনাচৰ আজি জন্মদিন ৷ ভাৰতৰ লগত নিক জনাচৰ গভীৰ সম্পৰ্ক কাৰণ মাৰ্কিন গায়কজন এতিয়া ভাৰতৰ জোঁৱাই ৷ নিক জনাচৰ সৈতে 2018 চনৰ ডিচেম্বৰ মাহত বিবাহপাশত আৱদ্ধ হৈছিল ভাৰতৰ জনপ্ৰিয় অভিনেত্ৰী প্ৰিয়ংকা চোপ্ৰা ৷
জনপ্ৰিয়তাৰ শীৰ্ষত থকা জনাচ এজন মাৰ্কিন গায়ক হোৱাৰ লগতে ,গীতিকাৰ, অভিনেতা ৰেৰ্কডাৰ আৰু প্ৰযোজকো ৷ সাত বছৰ বয়সৰ পৰাই জনাচে অভিনয় কৰি আহিছে নাট্যমঞ্চত ৷ 2002 চনত তেঁও প্ৰথমবাৰৰ বাবে গীতৰ এলবাম বাণীৱদ্ধ কৰে ৷ 2004 চনত নিক জনাচে এটা এলবাম প্ৰস্তুত কৰে ৷ এই এলবামটোৰ যোগেদি নিক জনাচ কিছু পৰিমাণে সফল হোৱাৰ লগতে কলম্বিয়া ৰেকৰ্ডচৰ মনোযোগ আকৰ্ষণ কৰিবলৈও সক্ষম হয় ৷
জনাচ আৰু তেঁওৰ ডাঙৰ ককায়েকে মিলি এটা বেণ্ড গঠন কৰিছিল ৷ বেণ্ডটোৰ সদস্য আছিল জো আৰু কেভিন ৷ এই বেণ্ডটো গোটেই বিশ্বতে জনাচ ব্ৰাদাৰ্চ হিচাপে পৰিচিত ৷ ক্ৰমে জনাচ ব্ৰাদাৰ্চে হলিউড ৰেকৰ্ডচৰ সৈতেও চুক্তিৱদ্ধ হয় ৷ বেণ্ডটোৱে দ্বিতীয়টো ষ্টুডিঅ' এলবাম বাণীৱদ্ধ কৰে 2007 চনত ৷ যিটো এলবাম সেই সময়ত খুবেই সফল হয় ৷ এই সময়তে মাৰ্কিন শিশু চেনেল 'ডিজনি চেনেল'ত যথেষ্ট জনপ্ৰিয়তা অৰ্জন কৰে নিক জনাচে ৷ এনেদৰেই ক্ৰমে সফলতাৰ শিখৰত গতি কৰে নিক জনাচে ৷
নিক জনাচৰ 27 সংখ্যক জন্মদিনটোত জনাচৰ কেইটামান খুবেই জনপ্ৰিয় গীত তলত উল্লেখ কৰা হ'লঃ
- Lovebug
- When you look me in the eyes
- Burnin' up
- S.O.S
- Year 3000
- Right now
- Jealous
- Only human
- Cool.
- Sucker
