চিটাৰা ডেস্ক, ১৪ জুলাই : গোৱাত সাগৰৰ পাৰত নিৰিবিলি পৰিৱেশত বলীউড অভিনেত্ৰী কিম শৰ্মাৰ সৈতে সময় কটাইছে টেনিছ তাৰকা লিয়েণ্ডাৰ পেজে । বৰ্তমান চৰ্চা চলি থকা মতে দুয়োৰে মাজত গঢ় লৈ উঠিছে প্ৰেমৰ সম্পৰ্ক । সেয়ে, এতিয়া কিম আৰু লিয়েণ্ডাৰ প্ৰায়েই একেলগে দেখিবলৈ পোৱা যায় । শেহতীয়াকৈ অৱসৰ বিনোদনৰ বাবে গোৱা পাইছেগৈ দুয়োগৰাকী ।
- " class="align-text-top noRightClick twitterSection" data="
">
গোৱাৰ এখন ৰেষ্টুৰেণ্টে কিম আৰু লিয়েণ্ডাৰ পেজৰ সমুদ্ৰ তীৰত তোলা কেইখনমান ফটো অনলাইনযোগে শ্বেয়াৰ কৰাৰ পাছতে তেওঁলোকৰ সম্পৰ্কৰ বিষয়ে চৰ্চা আৰম্ভ হয় । এখন ফটোত দুয়োকে সাগৰৰ পাৰৰ এখন ৰেষ্টুৰেণ্টৰ একেলগে আহাৰ গ্ৰহণ কৰি থকা দেখা পোৱা গৈছে । ৰেষ্টুৰেণ্টখনৰ অফিচিয়েল হেণ্ডেলত শ্বেয়াৰ কৰা আন এখন ফটোত, লিয়েণ্ডাৰ আৰু কিমক সাগৰৰ পাৰত প'জ দিয়া দেখা গৈছে । এই ফটোখনত টেনিছ তাৰকা লিয়েণ্ডাৰে কিমক পিছফালৰ পৰা সাবতি থকা দেখা গৈছে ।
- " class="align-text-top noRightClick twitterSection" data="
">
কিমে এটা পোহনীয়া লেব্ৰেডৰৰ মূৰত মৰমেৰে হাত থৈ কেমেৰাৰ ফালে চাই হাঁহি থকা দেখা গৈছে ফটোখনত । কিমৰ শেহতীয়া ইনষ্টাগ্ৰাম পোষ্টটোৱেও দুয়োৰে এই ভ্ৰমণৰে ইংগিত দিছিল । কিমে সাগৰৰ বেকড্ৰপত তোলা এখন ফটো পোষ্ট কৰিছিল ।
ফটোখন শ্বেয়াৰ কৰি কিমে লিখিছিল যে, "মিষ্টাৰ পিৰ দ্বাৰা ক্লিক কৰা" । সম্ভৱতঃ উক্ত ফটোখন লিয়েণ্ডৰ কেমেৰাতে আৱদ্ধ হৈছিল । আনহাতে, ২০১৭ চনত লিয়েণ্ডাৰ পেজৰ বিবাহ বিচ্ছেদ ঘটে পত্নী ৰিয়া পিল্লাইৰ সৈতে ।
- " class="align-text-top noRightClick twitterSection" data="
">
তেওঁলোকৰ এজনী কন্যা সন্তান আছে । ইয়াৰ পূৰ্বে অভিনেতা হৰ্ষবৰ্ধন ৰাণেৰ সৈতেও কিমৰ প্ৰেমৰ সম্পৰ্ক গঢ়ি উঠিছিল । ২০১৯ চনত কিম আৰু ৰাণেৰ সম্পৰ্কত ফাঁট মেলে । সম্প্ৰতি কিম আৰু লিয়েণ্ডাৰৰ প্ৰেমৰ সম্পৰ্কই চৰ্চা লাভ কৰিছে ।
লগতে পঢ়ক:‘Pavitra Rishta 2’ৰ দৃশ্যগ্ৰহণ আৰম্ভ অংকিতাৰ; সুশান্তক স্মৰণ অনুৰাগীৰ
