চিটাৰা ডেস্ক, 19 মাৰ্চ : বলীউডৰ বহুল চৰ্চিত যুঁটি বিকী-কেটৰিণাই প্ৰায়ে বাতৰিৰ শিৰোনামা দখল কৰি থাকে ৷ দুয়ো তাৰকাই বিয়াৰ পিছত একেলগে উদযাপন কৰিলে হোলী ৷ স্বামী বিকীৰ পিতৃ-মাতৃ আৰু ভাতৃৰ সৈতে মোহময়ী অভিনেত্ৰী কেটৰিণাই উদযাপন কৰিলে বিয়াৰ পিছৰ প্ৰথমটো হোলী ৷
হোলী উদযাপনৰ ভাল লগা মূহুৰ্তবোৰ নিজৰ অনুৰাগীৰে সৈতে শ্বেয়াৰ কৰি হোলীৰ শুভেচ্ছা যাঁচে কেটৰিণাই ৷ হোলী উদযাপন কৰি এতিয়া কেটৰিণা আকৌ ব্যস্ত হৈ পৰিছে নিজৰ কামকলৈ (Katrina Kaif latest news) ৷ শুকুৰবাৰে হোলী খেলি শনিবাৰে আৰম্ভ কৰিলে তেওঁৰ আহিবলগীয়া ছবি ‘মেৰী খ্ৰীষ্টমাচ’ ৰ শ্বুটি্ং ৷ বিগত বৰ্ষৰ অন্তত এই ছবিখনৰ শ্বুটিং আৰম্ভ হৈছিল (Katrina Kaif upcoming movies) ৷
কেটৰিণা কাইফে প্ৰথমবাৰলৈ দক্ষিণৰ অভিনেতা বিজয় সেতুপতিৰে সৈতে কাম কৰিবলৈ লৈছে (Katrina Kaif movie with south actor) ৷ ‘মেৰী খ্ৰীষ্টমাচ’ ৰ মুখ্য চৰিত্ৰত অভিনয় কৰিব বিজয় আৰু কেটৰিণাই ৷ ছবিখনৰ পৰিচালনা শ্ৰী ৰাম ৰাঘৱনৰ ৷ ছবিখনৰ প্ৰথম পৰ্যায়ৰ শ্বুটিং বিগত বৰ্ষতেই শেষ কৰিছিল টীমটোৱে ৷ এতিয়া ছবিখনৰ দ্বিতীয় পৰ্যায়ৰ শ্বুটিং মুম্বাইত আৰম্ভ হৈছে ৷
প্ৰাপ্ত বাতৰি অনুসৰি, এই দ্বিতীয় পৰ্যায়ৰ শ্বুটিং প্ৰায় 45 দিনজুৰি চলিব ৷ মুম্বাইস্থিত এটা ষ্টুডিঅ’ত ছবিখনৰ বাবে এটা প্ৰকাণ্ড ছেট তৈয়াৰ কৰা হৈছে ৷ প্ৰথম অংশৰ শ্বুটিঙত বিজয় কেটৰিণাই বাথৰূমৰ দৃশ্যাংশ সমূহ সম্পূৰ্ণ কৰিছিল ৷
খ্ৰীষ্টমাচ সন্ধ্যাৰ এটা অনুষ্ঠানৰ কাহিনীক লৈ ছবিখন নিৰ্মাণ কৰা হৈছে ৷ এপ্ৰিল মাহলৈকে দ্বিতীয় পৰ্যায়ৰ শ্বুটিং শেষ হ’ব বুলি আশা প্ৰকাশ কৰিছে নিৰ্মাতাই ৷ মুম্বাইৰ কিছু কিছু বিশেষ স্থানত ছবিখনৰ সম্পূৰ্ণ শ্বুটিং কৰা হ’ব ৷
লগতে পঢ়ক: Priyanka Chopra holi celebration with Nick : লছ এঞ্জেলছত আবিৰৰ ৰঙত মতলীয়া নিক-প্ৰিয়ংকা
