চিটাৰা ডেস্ক, 9 নৱেম্বৰ : দেশৰ চতুৰ্থ সৰ্বোচ্চ অসামৰিক সন্মান ‘পদ্মশ্ৰী বঁটা’(Padma Shri Award) লাভ বলীউডৰ জনপ্ৰিয় ছবি প্ৰযোজক কৰণ জোহৰ(Karan Johar)ৰ ৷ সোমবাৰে ৰাজধানী দিল্লীস্থিত ৰাষ্ট্ৰপতি ভৱনত অনুষ্ঠিত এই বঁটা প্ৰদান অনুষ্ঠানত সন্মানিত কৰা হয় প্ৰযোজক কৰণ জোহৰক ৷
পদ্মশ্ৰী বঁটা লাভ কৰাৰ পাচতে ছ’চিয়েল মিডিয়াযোগে আনন্দ আৰু সুখৰ অনুভৱ শ্বেয়াৰ কৰে প্ৰযোজকগৰাকীয়ে ৷ বিশেষকৈ যমজ সন্তানৰ প্ৰতিক্ৰিয়াৰ কথা ব্যক্ত কৰে কৰণে ৷ তেওঁ কয় যে, এইটো তেওঁৰ জীৱনৰ এটা সঁচাকৈয়ে স্মৰণীয় মূহুৰ্ত ৷ এই সন্মানৰ দ্বাৰা তেওঁ প্ৰয়াত পিতৃক নিশ্চয়কৈ গৌৰৱ অনুভৱ কৰাব পাৰিছে ৷
লগতে এই আনন্দৰ মূহুৰ্তত মাতৃক কাষত পাই বহুত সুখী কৰণ জোহৰ ৷ তেওঁ লিখিছে, তেওঁৰ যমজ সন্তান যশ আৰু ৰুহীয়ে এই সন্মান লাভ কৰিছে নেকি সোধা প্ৰশ্নৰ উত্তৰত কৰণে কয় যে, ‘‘নিশ্চয় ৷ এদিন তোমালোকেও এই গৌৰৱ কঢ়িয়াই আনিবা’’ ৷
- " class="align-text-top noRightClick twitterSection" data="
">
‘Kuch Kuch Hota Hai, ‘Kabhi Khushi Kabhie Gham’ ৰ দৰে জনপ্ৰিয় আৰু হিট বলীউডৰ ছবিৰ পৰিচালক আৰু প্ৰযোজক জোহৰে ছ’চিয়েল মিডিয়াৰ জৰিয়তে সকলোকে কৃতজ্ঞতা জ্ঞাপন কৰে ৷ লগতে তেওঁ বঁটা লাভৰ সন্ধিয়া কৰণে পৰিধান কৰা ফেশ্বন ডিজাইনাৰ মনীষ মালহোত্ৰা(Manish Malhotra)ৰ পোছাক পৰিধান কৰাৰ বাবে তেওঁক ধন্যবাদ জনায় ৷
উল্লেখ্য যে, এইবাৰ মুঠ 73 গৰাকী বিভিন্ন ক্ষেত্ৰৰ ব্যক্তিক পদ্মশ্ৰী বঁটা প্ৰদান কৰে ৰাষ্ট্ৰপতি ৰামনাথ কোৱিন্দে ৷ ইয়াৰ ভিতৰত কিছুসংখ্যক ব্যক্তিক মৰণোত্তৰভাৱেও প্ৰদান কৰা হয় এই বঁটা । আনহাতে, 4 টা পদ্ম বিভূষণ, 8 টা পদ্মভূষণ আৰু 2020 বৰ্ষৰ বাবে 61 টা পদ্মশ্ৰী বঁটা প্ৰদান কৰা হয় ৷
লগতে পঢ়ক : নিৰ্যাতনৰ অভিযোগত গ্ৰেপ্তাৰ পুনম পাণ্ডেৰ স্বামী চেম বোম্বে
