চিটাৰা ডেস্ক,19 নৱেম্বৰ : ব্যক্তিত্বময়ী, আত্মবিশ্বাসী আৰু স্বাধীনতাৰে জীৱনটো গঢ় দিয়া এগৰাকী সুন্দৰী অভিনেত্ৰী হৈছে সুস্মিতা সেন ৷ নিজৰ চৰ্তানুসাৰে জীৱনটো সুন্দৰভাৱে সজাই তুলিছে সুস্মিতাই ৷ প্ৰথম ভাৰতীয় ‘মিছ ইউনিভাৰ্ছ’ খিতাপ অৰ্জন কৰা তথা বিশ্ব সুন্দৰী সুস্মিতা সেনে আজি 45 বছৰ বয়সত ভৰি দিলে ৷ নিজৰ ভাৰ্চেটাইল অভিনয়ৰে বলিউডত স্থান দখল কৰা সুস্মিতা এগৰাকী তীক্ষ্ণ বুদ্ধিৰ মহিলা ৷
মাত্ৰ 18 বছৰ বয়সতেই ‘মিছ ইউনিভাৰ্ছ’ খিতাপ লাভ কৰিছিল এইগৰাকী সুন্দৰীয়ে ৷ 1996 চনত ‘দস্তক’ ছবিখনেৰে বলিউড জগতত খোজ দিছিল সুস্মিতাই ৷ ইয়াৰ পৰৱৰ্তী সময়ত ‘চিৰ্ফ তুম’, ‘বিবি নম্বৰ-1’, ‘আঁখে’, ‘ম্য়ে হুঁ না’, ‘মেইনে প্য়াৰ ক্যু কিয়া’ আছি ছবিত নিজৰ সফল অভিনয়ৰে তেওঁৰ ছবিপ্ৰেমীক মন্ত্ৰমুগ্ধ কৰিবলৈ সক্ষম হয় ৷
দীৰ্ঘদিনৰ বিৰতিৰ অন্তত শেহতীয়াকৈ এক্সন-লাভ-থ্ৰীলাৰ ‘আৰ্য়া’ নামৰ ৱেব চিৰিজৰ সৈতে পুনৰ স্ক্ৰীণলৈ উভতে সুস্মিতাই ৷ সুস্মিতাৰ শক্তিশালী অভিনয়ে আৰ্য়াক দৰ্শকৰ মাজত অধিক জনপ্ৰিয় কৰি তোলে ৷
ব্যক্তিগত জীৱনৰ কথা ক’বলৈ গ’লে 17 বছৰ সৰু প্ৰেমিক ৰহমান শ্বলৰ সৈতে প্ৰেমৰ সম্পৰ্ক গোপনে ৰখাৰ পাচত বৰ্তমান দুয়োৰে সম্পৰ্ক ফাদিল হয় ৷ চ’ছিয়েল মিডিয়াযোগে ৰহমান-সুস্মিতাই প্ৰায় ফটো আৰু ভিডিঅ’ শ্বেয়াৰ কৰা পৰিলক্ষিত হয় ৷ সুস্মিতাৰ দুগৰাকী কন্যা ৰিণী আৰু আলিচাৰে সৈতে তেওঁ এক সুখী জীৱন অতিবাহিত কৰি আছে ৷
ইটিভি ভাৰত চিটাৰা তৰফৰ পৰা বিশ্ব সুন্দৰী সুস্মিতা সেনলৈ জন্মদিনৰ অলেখ শুভকামনা ৷
লগতে পঢ়ক : ZEE5 India ৰ চিইঅ' তৰুণ কাটিয়ালৰ পদত্যাগ
