নিউজ ডেস্ক, 26 মে': ভাৰতীয় লোকৰ দেহত থাইৰয়ডৰ বিসংগতি দেখা পোৱা যায় ৷ ভাৰতৰ 10 জনৰে এজন হাইপ'থাইৰইডিজমত আক্ৰান্ত হয় ৷ কিন্তু, এই বিসংগতি কিয় হয় আৰু লক্ষণসমূহ কি ? থাইৰয়ড গ্লেণ্ডে দেহৰ মেটাবলিজম নিয়ন্ত্ৰণ কৰা হৰমন উৎপন্ন কৰে ৷ দেহত এই হৰমনৰ পৰিমাণ বৃদ্ধি অথবা কম হ'লে বিভিন্ন বিসংগতিয়ে দেখা দিব পাৰে ৷ এই বিসংগতিক ক্ৰমে হাইপাৰথাইৰইডিজম(Hyperthyroidism) আৰু হাইপ'থাইৰইডিজম(Hypothyroidism) বুলি কোৱা হয় ৷
হাইপাৰথাইৰইডিজমৰ লক্ষণ :
*উৎকন্ঠা
*ক্ষিপ্ৰতাৰে হৃদপিণ্ডৰ ক্ৰিয়া
*উদ্বিগ্নতা আৰু অস্থিৰতা
*বিৰক্তি
*অধিক ঘাম
*ওজন হ্ৰাস
*দূৰ্বলতা
হাইপ'থাইৰইডিজমৰ লক্ষণ :
*ভাগৰুৱা
*শুকান চুলি আৰু চাল
*দূৰ্বলতা
*ওজন বৃদ্ধি
*হৃদপিণ্ডৰ ক্ৰিয়া ধীৰ হোৱা
*কোষ্ঠকাঠিন্য
*হতাশা
*হঠাৎ ঠাণ্ডা লগা
COVID-19 মহামাৰীৰ মাজতে থাইৰয়ডৰ সমস্যাত ভূগিছে যদি -
1. যোগাভ্যাস আৰু ধ্যান কৰা উচিত ৷ ইয়াৰ ফলত চাপ হ্ৰাস পাব, বিশেষকৈ বৰ্হিবিশ্বৰ চিন্তাৰ পৰা মুক্ত হ'ব ৷
2.স্বাস্থ্যকৰ খাদ্য গ্ৰহণ কৰি ওজন নিয়ন্ত্ৰণ কৰি ৰখা উচিত ৷ যিহেতু আপুনি ঘৰতে থাকিব সেয়েহে খাদ্য গ্ৰহণ কৰা অনুচিত ৷
3.ঔষধ-পাতি সময়মতে লওঁক ৷
4.মদ্যপানৰ পৰা আঁতৰত থাকক ৷ নহ'লে ই থাইৰয়ড আৰু ঔষধৰ ক্ৰিয়াত বিঘিনি ঘটাব পাৰে ৷
5.টোপনি নিয়মিত কৰক ৷ প্ৰয়োজনীয় বিশ্ৰাম লোৱা উচিত ৷ প্ৰায় 7-9 ঘন্টাৰ টোপনিৰ প্ৰয়োজন আছে ৷
6.প্ৰতিদিনে ব্যায়াম কৰিলে সু-স্বাস্থ্যৰ লগতে মগজু সুস্থ হৈ থাকিব ৷
থাইৰয়ডৰ বিসংগতিয়ে অধিক সংকট সৃষ্টি কৰাৰ আশংকা নাই যদিও সাৱধানতামূলক ব্যৱস্থা গ্ৰহণ কৰাটো অতি প্ৰয়োজনীয় ৷ আমি সকলোৱে একত্ৰিত হৈ কৰ'ণা ভাইৰাছৰ বিৰুদ্ধে যুঁজ দিয়াৰ লগতে স্বাস্থ্যকৰ জীৱন-যাপন কৰিবলৈ সক্ষম হ'ম ৷
