ৰাইজে চোৰক উত্তম মধ্যম দি গতাই দিলে আৰক্ষীক

ৰঙিয়াত খেদি খেদি কৰায়ত্ব কৰিলে এজন চোৰক ৷ ইতিমধ্যে ভালে কেইজন চোৰ পলায় যাবলৈ সক্ষম হয় ৷

ৰঙিয়া, 4 আগষ্টঃ ৰঙিয়াৰ মৰাণজানাত গভাইট চোৰ আটক । ম'বাইল আৰু ষ্টেচনাৰী দোকানত চাটাৰ ভাঙি ভিতৰত প্ৰবেশ কৰোতে দোকানৰ গৰাকীয়ে চিঞৰ বাখৰ লগোৱাত তৎমুহূৰ্ততে হুৱা-দুৱা লাগে। চিঞৰ বাখৰত ৰাইজ উপস্থিত হোৱাত দোকানৰ পৰা পলায়ন কৰে চোৰৰ দলটো । অৱশেষত ৰাইজে খেদি-খেদি পথাৰৰ পৰা এজন চোৰক কৰায়ত্ব কৰিবলৈ সক্ষম হয়।

উল্লেখ্য যে, ধৃত চোৰটো নলবাৰী জিলাৰ বিলপাৰৰ আখতাৰ আলী বুলি চিনাক্ত কৰা হৈছে । ইফালে উপস্থিত একাংশ ৰাইজে উত্তম মাধ্যম শোধালে আখতাৰক । ধৃত আখতাৰক ধৰি বান্ধি ৰাইজে গতাই দিয়ে ৰঙিয়া আৰক্ষীক । উল্লেখ্য যে, এদিন পূৰ্বেও ৰঙিয়াৰ মৰাণজানাত দুটা ছাগলী চোৰক ৰাইজে হাতে লোতে কৰায়ত্ব কৰিছিল । অঞ্চলটোত সঘনাই সংঘটিত চুৰি কাণ্ডত এতিয়া শংকিত হৈ পৰিছে ৰাইজ ৷ অতি শীঘ্ৰে আৰক্ষী প্ৰশাসনক চোৰৰ বিৰুদ্ধে উপযুক্ত ব্যৱস্থা গ্ৰহণ কৰিবলৈ আহ্বান জনাইছে স্থানীয় ৰাইজে ৷

লগতে পঢ়ক- হাইলাকান্দিত দুষ্টচক্ৰৰ আক্ৰমণৰ বলি সাংবাদিক