নগাঁও,২৬ মাৰ্চঃ ৰাজ্যত পুনৰ সংঘটিত হ'ল বোৱাৰী হত্যাৰ ঘটনা | নগাঁও জিলাৰ কামপুৰ থানা অন্তৰ্গত শালমৰাত চেবীনা খাতুন নামৰ এগৰাকী বোৱাৰীক হত্যাৰ প্ৰতিবাদত ওলাই আহিল মহিলাগৰাকীৰ পৰিয়াল বৰ্গৰ লগতে স্থানীয় ৰাইজ । অভিযোগ অনুসৰি দেওবাৰে মহিলাগৰাকীক হত্যা কৰি তেওঁৰ স্বামীয়ে ওলোমাই থৈছিল ঘৰৰ চিলিঙত । জানিব পৰা মতে,গৰ্ভৱতী চেবীনাক বিভিন্ন সময়ত মানসিক আৰু শাৰীৰিকভাৱে নিৰ্যাতন চলাই আহিছিল চেবীনাৰ স্বামী আনচুৰ লগতে স্বামীৰ পৰিয়ালৰ বাকী সদস্যসকলে ।
নগাঁৱৰ কামপুৰত এগৰাকী গৰ্ভৱতী বোৱাৰীক হত্যাৰ প্ৰতিবাদ দেওবাৰেও সংঘটিত হয় অনুৰূপ ঘটনা । মৃতদেহ উদ্ধাৰ হোৱাৰ প্ৰায় এঘন্টাৰ পূৰ্বে চেবীনাই মাতৃক ফোনৰে স্বামীয়ে মাৰধৰ কৰি থকাৰ কথা অৱগত কৰিছিল বুলি চেবীনাৰ পিতৃ-মাতৃয়ে গুৰুতৰ অভিযোগ তোলে ।ইফালে ঘটনা সংঘটিত হোৱাৰ উমান পোৱাৰ লগে লগেই কামপুৰ আৰক্ষী ঘটনাস্থলীত উপস্থিত হৈছিল যদিও পলায়ন কৰে স্বামীসহিতে পৰিয়ালবৰ্গই । ঘটনাৰ দুদিনৰ পাচতো আৰক্ষীয়ে অভিযুক্তক গ্ৰেপ্তাৰ কৰিব নোৱাৰাত প্ৰতিবাদমুখী হৈ উঠে ক্ষোভিত ৰাইজ । লগতে আৰক্ষীয়ে অতি সোনকালে অভিযুক্তক গ্ৰেপ্তাৰ কৰি জেল হাজোতলৈ প্ৰেৰণ কৰি দৃষ্টান্ত মূলক শাস্তি প্ৰদান কৰা দাবী উত্থাপন কৰে ।
