ডুমডুমা,3আগষ্টঃ তিনিচুকীয়াত ঔষধৰ অবৈধ ব্যৱসায় । একাংশ দুষ্টচক্ৰই নিয়ন্ত্ৰণ কৰিছে ঔষধৰ এই ক'লা ব্যৱসায় । অইল ইণ্ডিয়াৰ চিকিৎসালয়ৰ "NOT FOR SALE" লিখা তথা বিক্ৰীৰ বাবে উপলব্ধ নোহোৱা ঔষধ ডুমডুমাৰ বৰহাপজানত উপলব্ধ হোৱা ঘটনাই ঔষধৰ ক'লা ব্যৱসায়ৰ কথা পোহৰলৈ আনে । শুকুৰবাৰে নিশা চক্ৰৱৰ্তী মেডিকেল হল নামৰ এখন ফাৰ্মাচীত বিক্ৰী কৰিবলৈ অনাৰ সময়ত কৰ্মচাৰীয়ে দেখা পায় উক্ত ঔষধসমূহ । যাৰ পাচতে এতিয়া ফাৰ্মাচীখনত ঔষধৰ যোগান ধৰা কে ডি ড্ৰাগছৰ বিৰুদ্ধে তিনিচুকীয়া জিলাৰ বিভিন্ন প্ৰান্তত ঔষধৰ অবৈধ ব্যৱসায় চলাই অহাৰ অভিযোগ উঠিছে । ঔষধৰ এই ক'লা ব্যৱসায় সম্পৰ্কে চৰকাৰক উচ্চ পৰ্যায়ৰ তদন্তৰ দাবী কৰিছে স্থানীয় ৰাইজে ।
তিনিচুকীয়াত ঔষধৰ অবৈধ ব্যৱসায়
