জনীয়া,11অক্টোবৰঃ কলগাছিয়াৰ বৰপেটা অসামৰিক চিকিৎসালয়ত 2 মহিলা দালাল আটক । ৰোগীক দীৰ্ঘদিন ধৰি চিকিৎসালয়ৰ পৰা নানা প্ৰলোভন দেখুৱাই ভুৱা ডাক্তৰৰ কাষলৈ লৈ যোৱাৰ অভিযোগ মহিলা দুগৰাকীৰ বিৰুদ্ধে । ইপিনে ভুৱা ডাক্তৰৰ পৰা ৰোগী যোগান ধৰাৰ নামত মহিলা দুগৰাকীয়ে সংগ্ৰহ কৰি আহিছে ধন। শুকুৰবাৰে চিকিৎসালয়খনত এই 2 মহিলা দালালক আটক কৰি গতাই দিয়ে কলগাছিয়া আৰক্ষীক । ইতিমধ্যে ভুৱা ডাক্তৰৰ চিকিৎসা গ্ৰহণ কৰি বহু সাধাৰণ ৰোগীৰ ৰোগে জটিল ৰূপ ধাৰণ কৰিছে ।
বৰপেটা অসামৰিক চিকিৎসালয়ত 2 মহিলা দালাল আটক
উল্লেখ্য যে দীৰ্ঘদিন ধৰি কলগাছিয়াত চলি আহিছে ভুৱা চিকিৎসকৰ দপদপনি। 300 টকাৰ মাচুল লৈ সাধাৰণ ৰোগীৰ পৰা ভুৱা ডাক্তৰে লুটি আহিছে লাখ লাখ টকা । যাৰ বাবে বিভাগীয় কতৃপক্ষক এনে ভুৱা ডাক্তৰৰ বিৰুদ্ধে বিহিত ব্যৱস্থা গ্ৰহণ কৰিবলৈ বৰপেটা অসামৰিক চিকিৎসালয়ৰ অধীক্ষকে আহ্বান জনাইছে ।
