জনীয়া, 5 জানুৱাৰী : বৰপেটা জিলাৰ কলগাছিয়া আৰু বাঘবৰ ৰাজহ চক্ৰৰ অন্তৰ্গত কলগাছিয়া আৰক্ষী থানাৰ অন্তৰ্গত চানপুৰ বেঁকী নদীৰ চৰত দিনে নিশাই চলিছে অবৈধ বালি খনন । যি খনন কাৰ্যই কলগাছিয়া ৰাজহ চক্ৰৰ অন্তৰ্গত চানপুৰ,বালিকুৰি,জনতা,শওঁপুৰ,সুঁতিৰপাথাৰ,কলগাছিয়া আদি কেইবাখনো ৰাজহ গাঁৱলৈ কঢ়িয়াই আনিছে তীব্ৰ ভাবুকি ।
ৰাজ্যৰ বনমন্ত্ৰী পৰিমল শুক্লবৈদ্যৰ বন বিভাগৰ বৰপেটা ৰোড সংমণ্ডল আৰু বৰপেটা জিলা প্ৰশাসনক মেনেজ কৰি কেইবাখনো ট্ৰেক্টৰ লগাই এইদৰে খনন কাৰ্য চলাই আহিছে বুলি স্থানীয় ৰাইজে অভিযোগ তুলিছে । দিনে-নিশাই বালি খনন কৰা কাৰ্যক বাধা দিলেও বালি মাফিয়াই স্থানীয় ৰাইজক কোনো ধৰণৰ ভ্ৰক্ষেপ নকৰে বুলি অভিযোগ উত্থাপন কৰিছে ৰাইজে ।
এই ক্ষেত্ৰত কলগাছিয়া আৰক্ষী থানা আৰু খনন কাৰ্য স্থলীৰ একেবাৰে সমীপৰ বালিকুৰি আৰক্ষী চকীৰ দৃষ্টি আকৰ্ষণ কৰিছে ৰাইজে । শীঘ্ৰেই এই অবৈধ খনন কাৰ্য বন্ধ কৰিবলৈ আহ্বান জনাইছে স্থানীয় ৰাইজে ।
লগতে পঢ়ক : 7 জানুৱাৰীত ঘোষণা হ'ব IITত নামভৰ্তি প্ৰক্ৰিয়া, JEE Advancedৰ দিন
