চিৰাং, 7 চেপ্তেম্বৰ: চিৰাঙৰ ঢালিগাঁও থানাৰ অন্তৰ্গত ২নং গৌজৌনপুৰিত মৃতদেহ উদ্ধাৰ ৷ নিশা প্ৰায় 9 বাজি 30 মিনিটত মৃতদেহটো প্ৰত্যক্ষ কৰি আৰক্ষীক খৱৰ দিয়ে স্থানীয় ৰাইজে৷ মৃতদেহটো বঙাইগাঁও সদৰ মায়াপুৰীৰ সমীপৰ বাসিন্দা সঞ্জীৱ ঘোষ (২৮) বুলি জানিব পৰা গৈছে ৷ ঘটনাস্থলীত আৰক্ষী উপস্থিত হৈ মৃতদেহটো উদ্ধাৰ কৰি জিলা সদৰ কাজলগাঁৱৰ জেএচবি অসামৰিক চিকিৎসালয়লৈ লৈ যায় আৰু চিকিৎসকে মৃত ঘোষণা কৰে ৷
চিৰাঙৰ গৌজৌনপুৰিত মৃতদেহ উদ্ধাৰ
আৰক্ষীৰ সন্দেহ অত্যাধিক নিচাসক্ত দ্ৰব্য সেৱনৰ ফলত মৃত্যু হৈছে সঞ্জীৱ ঘোষৰ ৷ আনহাতে ৰাইজৰ সন্দেহ এইয়া এক পৰিকল্পিত হত্যাকাণ্ড৷ কিয়নো, মৃতদেহ উদ্ধাৰ হোৱাৰ কিছুসময়ৰ পূৰ্বে সেই একে স্থানতে ৰাইজে প্ৰত্যক্ষ কৰিছিল এখন বিলাসী গাড়ী ৷ এইসন্দৰ্ভত তদন্ত অব্যাহত ৰাখিছে আৰক্ষীৰ ৷
