নিউজ ডেস্ক, 2 জুলাই : জ্যেষ্ঠ বিজেপি নেত্ৰী উমা ভাৰতী বৃহস্পতিবাৰে লক্ষ্নৌস্থিত চিবিআইৰ বিশেষ আদালতত উপস্থিত হয় ৷ 1992 চনৰ বাবৰি মছজিদ গোচৰ সংক্ৰান্তত উমা ভাৰতী এইদৰে বিশেষ আদালতত উপস্থিত হয় ৷
চিআৰপিচিৰ 313 ধাৰাৰ অধীনত চিবিআইৰ বিদেশ আদালতে 32 গৰাকী অভিযুক্তৰ শুনানি গ্ৰহণ কৰি আছে ৷ 61 বছৰীয়া বিজেপি নেত্ৰীগৰাকী 27 বছৰ পুৰনি গোচৰটোৰ এই তালিকাৰ 19সংখ্যক অভিযুক্ত ৷ এই গোচৰত অভিযুক্তসকলৰ ভিতৰত আছে, উত্তৰ প্ৰদেশৰ প্ৰাক্তন মুখ্যমন্ত্ৰী কল্যান সিং, প্ৰাক্তন উপ-প্ৰধানমন্ত্ৰী লালকৃষ্ণ আদৱানী, জ্যেষ্ঠ বিজেপি নেতা মুৰলী মনোহৰ যোশী, বিনয় কাটিয়াৰ, সাধ্বী ৰিথামবৰা, সাক্ষী মহাৰাজ আৰু ৰাম বিলাস বেদান্তীৰ দৰে নেতাসকলৰ নাম ৷
লগতে পঢ়কঃ চীন-ভাৰতৰ সংঘৰ্ষৰ বাবে ৰাম মন্দিৰৰ ভূমি পূজন স্থগিত
চিবিআইৰ আগত এইসকল অভিযুক্তৰ অধিবক্তাই ভিডিঅ' কনফাৰেন্সৰ জৰিয়তে শুনানি গ্ৰহণ কৰিবলৈ অনুৰোধ কৰিছিল ৷ 2017ৰ 19 এপ্ৰিলত দেশৰ সৰ্বোচ্চ ন্যায়ালয়ে বিশেষ ন্যায়াধীশক দুবছৰৰ বাবে এই গোচৰৰ দিন-প্ৰতিদিন শুনানি গ্ৰহণ কৰিবলৈ নিৰ্দেশনা প্ৰদান কৰিছিল ৷ ইতিমধ্যে অহা 31 আগষ্টত এই দিন-প্ৰতিদিন শুনানিৰ অন্ত পৰিব ৷
