ইণ্টাৰনেচনেল ডেস্ক, ১০ অক্টোবৰ : ৰাষ্ট্ৰসংঘৰ পাৰমাণৱিক নিৰীক্ষণ সংস্থাই (UN nuclear watchdog) কয় যে ইউৰোপৰ আটাইতকৈ ডাঙৰ ইউক্ৰেইনৰ জাপোৰিজজিয়া পাৰমাণৱিক শক্তি প্ৰকল্পৰ (Ukraine Zaporizhzhia nuclear power plant) এক বাহ্যিক পাৱাৰ লাইন দেওবাৰে গ্ৰিডৰ পৰা বিচ্ছিন্ন কৰাৰ পিছত মেৰামতি কৰা হৈছে । আন্তৰ্জাতিক পাৰমাণৱিক শক্তি সংস্থাই প্ৰকাশ কৰা মতে, ইউক্ৰেইনৰ অভিযন্তাসকলৰ মেৰামতিৰ কামৰ পিছত দেওবাৰে সন্ধিয়া ৭৫০ কিলোভল্ট লাইনটো প্ৰকল্পটোৰ সৈতে পুনৰ সংযোগ কৰা হৈছে । ইয়াৰ ফলত প্ৰকল্পটোৱে শনিবাৰে লাইন গ্ৰিডৰ সৈতে সংযোগ কৰ্তন কৰাৰ পিছত তাৰ পৰা শক্তি প্ৰদান কৰিবলৈ পুনৰ সক্ষম হৈছে (Ukraine nuclear plant reconnected) ।
আইএইএৰ (International Atomic Energy Agency) মহানিৰ্দেশক ৰাফেল গ্ৰোচিয়ে টুইট কৰি কয় যে পুনৰ সংযোগ বৰ্তমানে অক্ষম পৰিস্থিতিত এক অস্থায়ী সকাহ । উল্লেখ্য, প্ৰকল্পটো ৰাছিয়ান বাহিনীয়ে কেইবা মাহ ধৰি অধিগ্ৰহণ কৰি ৰাখিছে । অৱশ্যে ইউক্ৰেইনৰ কৰ্মচাৰীসকলৰ দ্বাৰাই ই পৰিচালিত হৈ আছে । প্ৰকল্প স্থানৰ ছয়টা ৰিয়েক্টৰৰ সকলোকেইটা বন্ধ হৈ আছে । কিন্তু সেইবোৰক শীতলকৰণ আৰু অন্যান্য সুৰক্ষা কাৰ্যৰ বাবে এতিয়াও বিদ্যুতৰ প্ৰয়োজন । গ্ৰোচিয়ে প্ৰকল্পটোৰ চাৰিওফালে পাৰমাণৱিক সুৰক্ষা আৰু সংৰক্ষণ সুৰক্ষা ক্ষেত্ৰ স্থাপনৰ বাবে তাত কেইবা সপ্তাহ অতিবাহিত কৰিছে (Ukrainian President Volodymyr Zelenskyy) ।
আনহাতে, গ্ৰোচিয়ে প্ৰকল্পটোৰ সুৰক্ষা আৰু নিৰাপত্তা প্ৰভাৱিত কৰিব পৰা এলেকাসমূহত হোৱা আক্ৰমণক গৰিহণা দিয়ে । ইয়াৰ ভিতৰত আছে নিকটৱৰ্টী ইনেৰোডাৰ আৰু ইউক্ৰেইনৰ অধীনস্থ প্ৰাদেশিক ৰাজধানী জাপোৰিজজিয়া । তেওঁ কয়, "প্ৰায় প্ৰতিদিনেই জাপোৰিজজিয়া পাৰমাণৱিক শক্তি প্ৰকল্পটো অৱস্থিত আৰু প্ৰকল্পটোৰ শ্ৰমিক আৰু তেওঁলোকৰ পৰিয়ালে বাস কৰা অঞ্চলটোত গোলাবর্ষণ হয় ।" গুলীবৰ্ষণ তৎক্ষণাৎ বন্ধ হ'ব লাগিব । ই ইতিমধ্যে প্ৰকল্পটোৰ পাৰমাণৱিক সুৰক্ষা আৰু নিৰাপত্তা পৰিস্থিতিৰ ওপৰত প্ৰভাৱ পেলাইছে ।"
